ସଂଖ୍ୟା କ୍ରମରେ ଶିଖିବା
ସଂଖ୍ୟା କ୍ରମରେ ଶିଖିବା
ଏକ- ରଖିବା ଦେଶର ଟେକ
ଏକରେ ଏକ ଏଗାର
ମହାନ ଗାଥା ଯାହାର
ଏକଦଶ ଏକ ଏଗାର
ତିନି ରଙ୍ଗ ତ୍ରିରଙ୍ଗାର ।
ଦୁଇ- ଆମର ସୈନିକ ଭାଇ
ଦୁଇ ଦୁଇ ମିଶି ଚାରି
ଅଛନ୍ତି ଦେଶକୁ ଘେରି
ଦୁଇଦଶ ଦୁଇ ବାଇଶି
ହେବାରେ ଆମେ ସାହସୀ ।
ତିନି- ତାଥିନି ତାଥିନି ତିନି
ତିନି ତିନି ମିଶି ଛଅ
ଯତନେ ବହି ନିଅ
ତିନିଦଶ ତିନି ତେତିଶ
ସକାଳୁ ଯୋଗରେ ବସ ।
ଚାରି- ହେବା ପରିଶ୍ରମୀ ଭାରି
ଚାରି ଚାରି ମିଶି ଆଠ
ବଉଳା ଗାଈର ଗୋଠ
ଚାରିଦଶ ଚାରି ଚୌରାଳିଶି
ନଖାଇବ କେବେ ଭୂମିରେ ବସି ।
ପାଞ୍ଚ- ନେବା ନାହିଁ କେବେ ଲାଞ୍ଚ
ପାଞ୍ଚ ପାଞ୍ଚ ମିଶି ଦଶ
ଗଣିତ ସୂତ୍ରକୁ ଘୋଷ
ପାଞ୍ଚଦଶ ପାଞ୍ଚ ପଞ୍ଚାବନ
ରଖିବା ପାଠରେ ମନ ଧ୍ୟାନ ।
ଛଅ- ଦରିଦ୍ରଙ୍କୁ ଦାନ ଦିଅ
ଛଅ ଛଅ ମିଶି ବାର
ଭଲ କାମ ନିଶ୍ଚେ କର
ଛଅଦଶ ଛଅ ଛଅଷଠି
ବଳ ହୁଏ ମିଶି ବିଡ଼ାଏ କାଠି ।
ସାତ- ମହାନ ଦେଶ ଭାରତ
ସାତସାତ ମିଶି ଚଉଦ
ଆକାଶେ ଭାସୁଛି ବଉଦ
ସାତଦଶ ସାତ ସତସ୍ତରୀ
ଖେଳିବା ଚକାଚକା ଭଉଁରୀ ।
ଆଠ- ସଅଳ ନିଦରୁ ଉଠ
ଆଠ ଆଠ ମିଶି ଷୋହଳ
ଆମ୍ବ ଗଛରେ ବାସେ ବଉଳ
ଆଠଦଶ ଆଠ ଆଠାଅଶି
ସନ୍ଧ୍ୟାରେ ପ୍ରାର୍ଥନା କର ବସି ।
ନଅ- ହାତରେ କଲମ ଧଅ
ନଅ ନଅ ମିଶି ଅଠର
ଆସବାବ ପତ୍ର କାଠର
ନଅଦଶ ନଅ ଅନେଶ୍ୱତ
ଅଭ୍ୟାସ କରି କହିବା ସତ ।
ଦଶ- ଆସନ ପାରି ବସ
ଦଶ ଦଶ ମିଶି କୋଡ଼ିଏ
ହାତ ଗୋଡ଼ ଆମ ଯୋଡିଏ
ଦଶ ଦଶ ସଂଖ୍ୟା ସମ୍ପୂର୍ଣ୍ଣ ଶହେ
ଗଂଗା ଯମୁନା ଯେ ଦେଶେ ବହେ ।