ସନେଟ -୧୦

ସ୍ପର୍ଶନେ

କବିସୌରଭ ଅନୁପ ସିଂହ ଦେବ

ରାଜା ଖଡ଼ିଆଳ

ହୃଦପୁର ରାଧା ମମ ପ୍ରାଣ ଆହ୍ଲାଦିନୀ

ହରିଜିଣା ସୁବଚନା ହରିଦ୍ରା ବର୍ଣ୍ଣିନୀ ।।

ଦ୍ଵିଜରାଜମୁଖୀ ମତ୍ତ ଦ୍ଵିରଦ ଗାମିନୀ

କଳାକର-କାଶ-କୁନ୍ଦ ଜିତ ସୁହାସିନୀ ।।

ତ୍ରିଯାମା ସୁନ୍ଦରୀ, ତନ୍ବୀ,ତ୍ରିପୁର ମୋହିନୀ

ଅଟୁ ମୋ ଜୀବ ଜୀବନ ଆଦରିଣୀ ଧନୀ ।।

ଅୟି ଅନିନ୍ଦ୍ୟା ! ଅପାର ଆନନ୍ଦ ଦାୟିନୀ

ପୂର୍ଣ୍ଣେନ୍ଦୁଜିତ ବଦନୀ ଘେନ ମୋ ଦୟିନୀ ।।

ମହୀରୁହେ ବଲ୍ଲୀ ବତ ନିବିଡେ ସଜନି !

ମୋ ଅଙ୍ଗେ ଥିବୁ ତୁ ଜଡ଼ି ବାସର ରଜନୀ ।।

ନ ପାରିବ ସ୍ପର୍ଶି ତନୁ ଚିତ୍ରରଥସୁତ

ନିବାସ ପ୍ରବେଶ ଚେଷ୍ଟା କରୁଛି ସତତ ।।

ସତୀତ୍ଵ ଦୀପ୍ତି ଝଲସେ ତୋ ଅଙ୍ଗୁ ନିରତ

ମୋ ବିନୁ ସ୍ପର୍ଶିଲେ ଆନ ହେବ ଭସ୍ମୀଭୂତ ।।

ସମାପ୍ତ