Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra
Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra

Binay Mohapatra

Abstract Classics Inspirational


3  

Binay Mohapatra

Abstract Classics Inspirational


ସଂଚିତ ପୂଣ୍ୟ

ସଂଚିତ ପୂଣ୍ୟ

1 min 11.7K 1 min 11.7K

ମୋ ପାପର ହିସାବ,

ସରିନି ଏଯାଏ 

ତଥାପି

ମୁଁ ମୋର ସଞ୍ଚିତ ପୂଣ୍ୟର ଫଳ 

କାହା କାହାକୁ ବାଣ୍ଟିବି 

ନିତି ନିତି ହିସାବ ଯୋଡୁଛି । 


ପାପର ଘଡା ପୁରିକି ଉଛୁଳି ଗଲାଣି 

ତଥାପି 

ଅପ୍ରାପ୍ତ ଆଞ୍ଜୁଳାଏ ପୂଣ୍ୟ 

ମୋ ମଥାରେ ବିଜୟର ତିଳକ 

ଲଗାଇ ଦେଉଛି ।


କିଏ ଦେଖିଛି, 

ରାତି ଅନ୍ଧାରରେ କରିଥିବା 

ମୋ ପାପମାନଙ୍କୁ  l


କିଏ ଦେଖିଛି, 

ସବୁରି ଦୃଷ୍ଟି ଆଢୁଆଳେ 

ମୋର ପ୍ରପଞ୍ଚ ସବୁକୁ l


ମୁଁ ଯାହା କହିଦେଲି, 

ସରବେ ସହଜେ ବିଶ୍ୱାସ କଲେ 

ଯାହା ଦେଖାଇଲି 

ଆଖିବୁଜି ସବୁ ବୁଝିଗଲେ, 

କେବଳ 

ଯାଦୁକର ଯାଦୁଦେଖି 

ମରିଚିକାରେ ତୃଷା ମେଣ୍ଟାଇଲେ । 


ସନ୍ତୁଷ୍ଟ ନିର୍ବୋଧ ଜନତା 

ଆନନ୍ଦରେ ହର୍ଷଧ୍ୱନୀ କରେ 

ମାଳା ପିନ୍ଧାଇ ଜୟଗାନ କରେ ।


ଗଗନ ପବନ ଉଦଘୋଷିତ କରିଯାଏ 

ଯେତେ ମୋର ବାହ୍ୟ ଆଡମ୍ବର 

ମିଥ୍ୟାର ଘଡାରେ ମୋର 

ସତ୍ୟର ଚାଦର ଘୋଡାଇ ଦିଏ । 


ଯାଦୁକର ଇନ୍ଦ୍ରଜାଲର 

ଚାକଚକ୍ୟ ଦେଖି 

ସମସ୍ତେ ଜଳକା ଏଇଠି

କେବଳ 

ଶୁଣିବା କଥାରେ 

ଆଖି ବନ୍ଦକରି ପରତେ ଯାଆନ୍ତି, 

କାହା ଅଣ୍ଟିରେ 

କେତେ କାର୍ଷାପଣ ଗଲା 

କିଏବା ଗଣିଛି ?

ଦୁନିଆର ସତ କଣ, 

ସତ ମିଛ କିଏ ପରଖୁଛି । 


ପ୍ରଚାରସର୍ବସ୍ୱ ଯୁଗରେ 

ଚାଟୁକାର ସ୍ତବଗାନେ ନ୍ୟସ୍ତ 

ପ୍ରଚାରକ ପ୍ରଚାରରେ ବ୍ୟସ୍ତ 

ଅନ୍ଧଭକ୍ତ ଉନ୍ମତ୍ତ କୀର୍ତ୍ତନରେ ଆତ୍ମହରା 

ସତ କଣ, ମିଛ କଣ 

କିଏବା ଜାଣୁଛି, 

ସତ ମିଛ ପରଖିବା ପାରିଖି ନଜର 

ଆଜି କହ କାହା ପାଖେ ଅଛି ?



Rate this content
Log in

More oriya poem from Binay Mohapatra

Similar oriya poem from Abstract