ସମୟ କାହାର ?

ସମୟ ସେ କୂଳର ନୁହେଁ 

କି ଏ କୂଳର ନୁହେଁ ,

କାହାରି ଆପଣାର ବି ନୁହେଁ

ସେ ଅମା ଅନ୍ଧକାର ଯୁଗର 

କୃଷ୍ଣମାୟା ମହାଭାରତର ଦର୍ଶକ

ସବୁ ସ୍ଥିତିର ଅତ୍ୟନ୍ତ ଅନୁଭବୀ 

ସେ ସବୁ ଦେଖେ ସବୁ ଶୁଣେ

ଜଣେ ଅନ୍ଧ ମୂକ ବଧିର ପରି

ଅଦୃଶ୍ୟ ରହିଥାଏ କାଳଜୟୀ ।

ସେ ସବୁ ଭୋକର ତାଣ୍ଡବ ରଚିତା 

ମହା ପ୍ରଳୟ ଚିତ୍କାର ର ଗୁଞ୍ଜରଣ 

ବିଜୟ ପରାଜୟ ସବୁର ଖେଲାଲି

ସେ ଜନ୍ମ ମୃତ୍ୟୁର ପ୍ରକୃତ ଶ୍ରଷ୍ଠା

ସେ ଉଚ୍ଚ ନୀଚ ବିଚାର କରେନି

ଶୁଭ ଅଶୁଭ ତା ପାଖରେ ତୁଚ୍ଛ

ମଣିଷ ତା ପାଖରେ ବିନ୍ଦୁ ମାତ୍ର

ତାକୁ ଉପେକ୍ଷା ନକରି ଉପଯୋଗ କର ।