ଲାଇବ୍ରେରୀ
ପ୍ରୋଫାଇଲ୍
ସ୍ମୃତିରେ ସ୍ମୃତିରେ
ସ୍ମୃତିରେ ସ୍ମୃତିରେ
1 min
279
ରୂପସୀ ଗୋ ତୁମ ସ୍ମୃତିର ପ୍ରାଙ୍ଗଣେ
ଲାଜକୁଳୀ ଜହ୍ନ ସରଗରୁ ଖୋସି
ଥିରି ଥିରି କହେ
ଗହନ ମନର ତୃଷ୍ଣା
ଅମାନିଆଁ ପ୍ରେମ ଉତ୍ତାଳ ତରଙ୍ଗେ
ଭାସି ହସି ଗାଇ ପ୍ରିୟତମା ଅଙ୍ଗେ
କୁଳୁ କୁଳୁ ଛନ୍ଦେ
ନୀଲିମାକୁ ଛୁଏଁ ଜ୍ୟୋତ୍ସ୍ନା ॥
ପ୍ରେୟସୀ ଗୋ ତୁମ ପ୍ରୀତି ଅଗଣାରେ
ଫଗୁଣ ଓହ୍ଲାଇ ମଳୟ ବୁହାଇ
କୁହୁ କୁହୁ ତାନେ
ଝରାଏ ପୁଲକ ବନ୍ୟା
ହୃଦୟ କନ୍ଦରେ ମଧୁ ଶିହରଣ
ପ୍ରିୟାର ଓଠରେ ଖେଳାଇ ଚୁମ୍ବନ
ମିଠା ମିଠା ସ୍ୱପ୍ନେ
ଖୋଜଇ ଅଳସ କନ୍ୟା !!!
