ସ୍ମୃତିରେ ପୂର୍ଣ୍ଣିମା
ସ୍ମୃତିରେ ପୂର୍ଣ୍ଣିମା
ମୋ ପ୍ରିୟା ଆସିଲା ଦିନେ
ଫୁଲ ସବାରୀରେ।
ମୋ ମନକୁ ଚୋରାଇଲା
ବାଙ୍କ ଚାହାଣୀରେ ।।
ଚୋରା ଚଇତାଳି ସାଜି
ଆସିଲା ଜୀବନେ।
ମାଦକତା ଭରିଦେଲା
ମୋର ତନ ମନେ। ।
ଯଉବନ ଜଉ ଘର
ଦେଲା ତରଳାଇ।
ମୋର ମନ ଅଗଣାକୁ
ଦେଲା ମହକାଇ।।
ମନେ ଅଛି ସେଦିନର
ସେ ପ୍ରଥମ ଦେଖା।
ମୋ ଜୀବନେ ଆସିଥିଲା
ପ୍ରେମ ଝଡ ବର୍ଷା। ।
ପୂର୍ଣ୍ଣିମାର ଚାନ୍ଦ ଯେବେ
ଉଇଁଲା ଆକାଶେ।
ପ୍ରିୟା ମୋର ଆସିଥିଲା
କଁଅଳ ବୟସେ। ।
ପ୍ରୀତିର ଗଜଲ କାନେ
କେତେ ଶୁଣାଇଲା।
ମୋର ହୃଦ ପୋଥିଟାକୁ
କେତେଯେ ପଢିଲା।।
ମୋର ମନ ଆଇନାରେ
ଦେଖିଲାଯେ ତା'କୁ।
ପ୍ରୀତିର ଫଗୁଣ କୋଳେ
ବୁଝିଲା ମନକୁ।
ଫୁଲେଇ ଜହ୍ନକୁ ଦେଖି
ମୋର ପ୍ରିୟତମା।
ଲାଜର ଓଢଣୀ ତଳେ
ହେଲା ଆନମନା। ।
ସ୍ମୃତିରେ ରଖିଛି ସାଇତି
ଦେଖା ସେଦିନର।
ସାକ୍ଷୀସେ ପୂର୍ଣ୍ଣିମା ଜହ୍ନ
ଆମ ମିଳନର। ।