ସ୍ମୃତି

ମୁଁ, ସ୍ମୃତି କବର ନେଇଛି ସମୟର ସ୍ରୋତରେ 

ଚାହିଁଲେବି ମୁକ୍ତ କରିପାରିବିନି 

ମୋ ନିଜକୁ ସମୟର ଆବଦ୍ଧ ଫାସରୁ 

ନବକଳେବରର ଆଶା, ବର୍ତ୍ତମାନ ସହ ଭିଜିବାର ବ୍ୟାକୁଳତା 

ଉଦବେଳିତ କରୁଛି ମୋତେ, ବାଧ୍ୟ କରୁଛି କହିବାକୁ 

ହେ ବର୍ତ୍ତମାନ ! 

ଭରିଦିଅ ମୋ ଅନ୍ତରେ ସେ ଅମାପ ଶକ୍ତି 

ଯେମିତି ମୁଁ ତୁମ ସହ ଭିଜି ଭିଜି ଗାଇବି ଆନନ୍ଦରେ ଭରା ସହସ୍ର ସଂଗୀତ 

ମାତ୍ର ମୋ ଆକୁଳତା ଏକ ଅନୁତ୍ତରିତ ଭାବପ୍ରବଣତା 

ହେ ମଣିଷ !

ବିଦାୟ ଦେ ମୋତେ ତୋ ହୃଦୟରୁ, ଚେତନାରୁ 

ସ୍ୱାଗତ କର ବର୍ତ୍ତମାନକୁ 

ମୁଁ ଯେ ଅତୀତ, ଅତୀତର ପାନ୍ଥଶାଳା ମୋର ସ୍ଥାୟୀ ଠିକଣା ।।