ମୋ ଦୁନିଆ

ମୋ ଦୁନିଆଟା ସତରେ

ଖୁବ ଛୋଟ ଆଉ ସରଳ 

ନା ସେଠି ଅଛି ହରେଇବାର ଦୁଃଖ

ନା ଜିତିବାର ଖୁସି 

ସମୟର ବେତାଳ ଛନ୍ଦରେ ଆଜି

ସବୁ କିଛି ବେତାଳିଆ 

ସମସ୍ତେ ଅଚିହ୍ନ, ସମସ୍ତେ ପଳାତକ,

ସମସ୍ତେ ଆଜି ସ୍ୱାର୍ଥପର 

ଆଘାତ ପାଇ ପାଇ ଯେମିତି

ବିଶ୍ୱାସ ଟା ବି ମୋ ପାଇଁ ଅଚିନ୍ହା 

ଆଜି ସବୁ ହରେଇବା ଭିତରେ ଯଦି

କିଛି ନିଜର ଥାଏ ସେଇଟା ମୋର ଲୁହ 

ସବୁ ପ୍ରବଞ୍ଚନା ଭିତରେ ଯେମିତି

ବିଶ୍ୱସ୍ତ ବନ୍ଧୁଟିଏ ପରି ମୋ ହାତକୁ ଜାବୁଡି ଧରିଛି 

ସବୁ ମୁହୂର୍ତ୍ତରେ, ସବୁ ସମୟରେ 

ମୋ ଦୁନିଆ ଆଜି ଜଟିଳତା ଠାରୁ

ଦୁରେଇ ଯାଇ ପାଲଟିଛି ଯାଇଛି

ଖୁବ ସରଳ ଆଉ ନିରୀହ 

କେବଳ ଅପେକ୍ଷା କରିଛି

ମୁଁ ମୋ ଦୁନିଆ ସହ କେବେ ପାଲଟିଯିବି

ଏକ ଅଜଣା ମଣିଷ |