ଶ୍ରବଣକୁମାର

ଶ୍ରବଣକୁମାର ଏକ ଶବ୍ଦ ନୁହେଁ ଏକ କିମ୍ବଦନ୍ତୀ 

ଯେଉଁ ଶବ୍ଦ ଏହି ମୋହଗ୍ରସ୍ତ ସଂସାରକୁ ଏକ ଦିଗଦର୍ଶନ ଦେଇପାରେ 

ଯେଉଁ ଶବ୍ଦ ଏହି କ୍ରୂର ତଥା ନିଷ୍ଠୁର ମଣିଷର ଆତ୍ମାକୁ ସୁଧାରିପାରେ 

ଯେଉଁ ଶବ୍ଦ ଏକ ଶୃଙ୍ଖଳିତ ସମାଜକୁ ଗଢିବାରେ ପ୍ରେରଣା ଦେଇପାରେ 

ସଂକ୍ଷିପ୍ତ ଶବ୍ଦ ମଧ୍ୟରେ ବିଶାଳ ଅର୍ଥକୁ ପୁଞ୍ଜିଭୂତ କରି ରଖିପାରିଥିବା ଏକ ମହାନ ଶବ୍ଦ 

ସବୁ ମାତା ପିତାଙ୍କ ଅନ୍ତରରେ ନିହିତ ଏକ ଆକାଂକ୍ଷା 

ଶ୍ରବଣକୁମାରଙ୍କର ସ୍ନେହ ପାଇବାର 

ମାତ୍ର ସେଇ କୋମଳ ଆଶାଟି ଆଜି ଅତ୍ୟାଚାରିତ  

ବିଶ୍ୱାସଘାତକତାର ଅନ୍ତରାଳେ ନିଷ୍ପେସିତ 

ଆଖିରେ ଦେଖିବାର ଶକ୍ତିଥାଇ ବି ପିତା ମାତା ଆଜି ଅନ୍ଧ 

ଶୋକସନ୍ତାପିତ ପ୍ରାଣ ତାଙ୍କର ମର୍ମାହତ 

ଆଜି ସେମାନେ ତୀର୍ଥ ଭ୍ରମଣର ସ୍ୱପ୍ନ ଦେଖୁନାହାନ୍ତି 

ବରଂ ଜରାନିବାସର ମାର୍ମିକ ଭାବନାକୁ ଅନୁଭବ କରିବାର ଭାଗ୍ୟକୁ କୋଳାଗ୍ରତ କରୁଛନ୍ତି 

ଆଜି ପ୍ରତେକ ଜନ୍ମଦାତ୍ରୀ ନିଃସ୍ୱ 

ତଥାପି ଏ ପବିତ୍ର ଶବ୍ଦ ଜୀବିତ ଅନେକ ପୁତ୍ରଙ୍କ ପ୍ରାଣରେ 

ଯେଉଁମାନଙ୍କ ପାଇଁ ବାପା ମାଆଙ୍କର ସେବା ହିଁ ଏକ ବ୍ରତ ||