ପୁନର୍ଗଠନ

ଭାବିଥିଲି ବିତେଇଦେବି ଜୀବନଟାକୁ ଏମିତି ଭାଙ୍ଗିଯାଇ 

କିନ୍ତୁ ପାରୁନି ସ୍ୱାଭିମାନୀ ହୃଦୟ ମୋର ମାନୁନି 

ଅନେକ ଚେଷ୍ଟା କରିଛି ହେଲେ ଗ୍ରହଣ କରିପାରିଲିନି 

ପୁଣି ଆରମ୍ଭ କଲି ନିଜକୁ ଗଢିବାର ଅଭିଯାନ 

ପୁଣି ଭଗ୍ନ ସ୍ତୁପ ମୋର ଲେପି ହେଲା ନବୀକରଣର ସ୍ପର୍ଶ 

ପ୍ରତ୍ୟେକ ଦିନ ଯେମିତି ଏକ ନୂତନ ସୂର୍ଯ୍ୟ ଉଦୟ 

ନିଜକୁ ଗଢିବାର ଏକ ନୂତନ ସୁଯୋଗ 

ସଫଳ ହୁଏତ ହୋଇନପାରେ 

ପରିଚୟ ହୁଏତ ସୃଷ୍ଟି କରିନପାରେ 

କିନ୍ତୁ ନିଜକୁ ଗଢିବି ସତ ନିଜକୁ ଉନ୍ମୋଚନ କରିବି ସତ 

ନିଜକୁ କରିଦେବି ପୁନର୍ଗଠନ ପଥର ଏକ ସଫଳ ଯାତ୍ରୀ ||