ଯଦି ହସି ପାରୁନଥାନ୍ତି
ଯଦି ହସି ପାରୁନଥାନ୍ତି
ଜୀବନ ଆକାଶରେ ଆଜି ଅସ୍ତମିତ ସୂର୍ଯ୍ୟ
ସବୁଆଡେ ଖେଳିଯିବ ତମସାର ବ୍ୟାପକ ଛାୟା
ଆଉ ନୟନରୁ ଝରିଯିବ ଦୁଇଟୋପା ତତଲା ଲୁହ ବୁନ୍ଦା
ହୃଦୟ ଭିତରେ ପୁଣି ଚିତ୍କାର କରିବ ସେ ନିର୍ଜନତାର ରାକ୍ଷସ
କିନ୍ତୁ ମୁଁ ପୁଣି ଅଭିନୟ କରିବି ଏକ ନିର୍ବିକାର ମଣିଷ ପରି
ଯେମିତି ମୁଁ ଅମାପ ଖୁସିକୁ ହଜମ କରୁଥିବା ଏକ ଆନନ୍ଦମୟ ଜୀବନ
ପୁଣି ହସି ହସି ଛଳନା କରିବି ଯେ ମୁଁ ଅସୀମ ବିଳାସ କୁ ଜାବୁଡ଼ିଧରିଥିବା ଏକ ଭାଗ୍ୟବାନ ମଣିଷ
ସବୁକିଛିତ କେବଳ ଏକ ନାଟକ
ମୁଁ ଯଦି ନହସେ ସମାଜ ମୋ ଜଳୁଥିବା ଘା ରେ ଆହୁରି ଲୁଣ ଛିଞ୍ଚିବ
ବାରମ୍ବାର ପ୍ରଶ୍ନରେ ମତେ ବ୍ୟଥିତ କରିବ
ଆଉ ଛଡାଇନେବ ଶାନ୍ତିରେ ବଞ୍ଚିବାର ସବୁ ଅଧିକାର
ସେଥିପାଇଁ ମୁଁ ମୋର ଅବଶ ମନକୁ ବାରମ୍ବାର ପଚାରେ
ଯଦି ମୁଁ ହସି ପାରୁନଥାନ୍ତି
ସନଜ କଣ ଦେଇଥାନ୍ତା ଖୁସିରେ ବଞ୍ଚିବାର ଅଧିକାର ll