ସ୍ମୃତି ତୁମେ ଯେବେ ଆସ
ସ୍ମୃତି ତୁମେ ଯେବେ ଆସ
ସ୍ମୃତି ତୁମେ ସମୁଜ୍ଜ୍ୱଳ ରଶ୍ମିରେଖା ଆଲୋକ ବର୍ତ୍ତିକା
ଆସ ଯେବେ ସ୍ମୃତି ତୁମେ ଲାଗେନାହିଁ ମୋତେ ଏକାଏକା ।
କେବେକେବେ ସକାଳରେ ଦ୍ୱିପହରେ ମୁହଁ ସଞ୍ଜବେଳେ
ଉଙ୍କି ମାରେ ମୁହଁ ତୁମ ସଜ ଫୁଟା ଗୋଲାପ ରଙ୍ଗରେ ।
ଲାଜଲାଜ ସ୍ମିତହାସ୍ୟ ତୁମ ଭାବ ଆବେଗ ଉଦବେଗ
ସ୍ମୃତିତୁମ ସମ୍ଭାଷଣେ ଦେହମନେ ଫୁଟିଉଠେ ରୋମାଞ୍ଚ କଦମ୍ବ।
ଉଷ୍ମ ଲାଗେ ଆବେଦନ ତୁମ ଆଶା ଉନ୍ମେଷ ଜିଜ୍ଞାସା
ଜୀବନ୍ମୟ କରେ ତୁମ ସୈ।ଜନ୍ୟତା ଅନାବିଳ ନିଷ୍ଠା ।
ମଗ୍ନ ତୁମ ତଲ୍ଲୀନତା ଆକର୍ଷଣ ଆତ୍ମିକ ଭାବନା
ଆନମନା ହୃଦୟ ମୋ କଣ୍ଠେ ତୋଳେ ମଧୁର ମୂର୍ଚ୍ଛନା ।
ଅନ୍ତରଙ୍ଗ ପ୍ରିୟା ତୁମେ କ୍ଷଣପ୍ରଭ ଅମୃତ ନିର୍ଯ୍ୟାସେ
ଗୁଞ୍ଜିଉଠେ ବ°ଶୀସ୍ୱନ ଇନ୍ଦ୍ରଧନୁ ଶୋଭେ ମନାକାଶେ ।
ସ୍ମୃତି ତୁମେ ଅପରୂପା ଗୋପପୁର ରାଈ ପ୍ରେମଶୀଳା
ପ୍ରେମମୟୀ ସ୍ମୃତି ରାଧା ମୋ ଜୀବନ ଯମୁନାର ଧାରା ।