ସ୍ମୃତି ପିଲାଦିନର

ସେକାଳ ପଖାଳ ନାହିଁଲୋ ସଙ୍ଗାତ

ଲାଗେ ଆଜି ସବୁ ସ୍ଵପ୍ନ,

ସାଙ୍ଗ ସାଥି ମେଳ ଗାଁ ଦାଣ୍ଡେ ଖେଳ

ହଜିଲାଣି ପିଲାଦିନ ।

ବାଉଁଶ କୁ କାଟି କାଠ ଚକା ଯୋଡି

କରୁଥିଲୁ ପରା ଗାଡି,

ଯାତ୍ରୀ ବସିଥାଏ ମହା ଆନନ୍ଦରେ

ସାଙ୍ଗ ନିଏ ଭିଡି ଭିଡି ।

ଆଉ ଦଳେ ପିଲା ତାଙ୍କ ପଛେ ପଛେ

ଧାଉଁଥାନ୍ତି କେତେ ସୁଖେ,

ଚପଳ ମନରେ ମହା ଆନନ୍ଦରେ

ସରଳିଆ ହସ ମୁଖେ ।

 କାହା ଦେହେ ଜାମା କାହା ଦେହ ଫୁଙ୍ଗା

ନଥାଏ ସେଥିକୁ ଲକ୍ଷ୍ୟ,

କିଶୋର ବୟସ ଚପଳାମି ରସ

ଖେଳ ସାଜିଥାଏ ଭୋକ । ।

ଆସନ୍ତା କି ଫେରି ସେହି ପିଲାଦିନ

ହୁଅନ୍ତି ମୁଁ ଧୂଳି ବୋଳି,

ସମୟ ସାଥିରେ ଅଣ୍ଟିରେ ପୁରାନ୍ତି

ସ୍ମୃତି ସବୁ ଭଳି ଭଳି ।