ସ୍ମୃତି ମହାକୁମ୍ଭ

ଉତ୍ତରାଖଣ୍ଡର ହରିଦ୍ଵାର ପୀଠ

ହୋଇଲାଣି ସଜବାଜ

ଅପ୍ରେଲ ମାସର ଶୁଭ ଲଗନରେ

ହେବ ମହାମେଳା କୁମ୍ଭ ।

ବାରବରଷକେ ସୂରୁଜଦେବଙ୍କ

ହୁଏ ମେଷରେ ପ୍ରବେଶ

ମକରଲଗ୍ନରେ ଗୁରୁ ବୃହସ୍ପତି

ହୋଇଥାନ୍ତି ସନ୍ନିବେଶ ।

ମହାକୁମ୍ଭ ଯୋଗ ମାହେନ୍ଦ୍ର ସମୟ

ପବିତ୍ର ତୀର୍ଥ ସାନ୍ନିଧ୍ୟ

ନାଶ ହୁଏ ପାପ ସଞ୍ଚରେ ଅମୃତ

ଅରଜେ ପୁଣ୍ୟ ମହାର୍ଘ୍ୟ ।

ସୁପ୍ରାଚୀନ ଅଟେ ସ୍ନାନ ପରମ୍ପରା

ହୁଏ ଜନ ସମାଗମ

ସନ୍ୟାସୀ ଆଖଡ଼ା ଭକତ ଯାତ୍ରୀରେ

ଗହଳି ଉଠଇ ସ୍ଥାନ ।

ଶୁଭେ ହର ହର ମହାଦେବ ଧ୍ୱନି

ତୂରୀ ଭେରୀ ଶଙ୍ଖ ନାଦ

ମହାସମାରୋହେ ଦଳ ଦଳ ହୋଇ

ପଡ଼ିଥାଏ ଗଣ ବୁଡ଼ ।

ଏ ଭବ ସାଗର ନାହିଁ ଥଳକୂଳ

ବିଶ୍ୱାସ ବିନ୍ଦୁ ଅମୃତ

ଏ ଜାତି ବଞ୍ଚିଛି ଧରମ କରମେ

ଆତ୍ମବଳ ତାର ଦୃଢ଼ ।

ଦେବା ସୁର ଯୁଦ୍ଧ ଚାଲିଛି ଚାଲିବ

ଅମୃତ ଜୀବନ ବଞ୍ଚିବ

ମରିବେ ଅସୁର ଛାୟା ରାହୁକେତୁ

କରୋନା ଅବଶ୍ୟ ମରିବ ।