ସ୍ମୃତି ଚିହ୍ନ
ସ୍ମୃତି ଚିହ୍ନ
କାଳ ମହା ସ୍ରୋତ ଧାରେ ସବୁ ଯାଏ ବିତି
ଅଳ୍ପ କିଛି ସ୍ମୃତି ଚିହ୍ନ , ଯାଇ ଥାଏ ରଖି ।
ସୃତି ହିଁ ସନ୍ତକ ଭାବେ ହୁଏ ନିତି ସାକ୍ଷୀ
ସନନ୍ଦ ସନ୍ଧାନେ ସେହି ଚିହ୍ନ ଦେଖି ଦେଖି ।
ଅତୀତ ଅବସ୍ଥା ବିଷୟକ ଧାରଣା କୁ
ସ୍ମୃତି ଚିହ୍ନ ଦେଖି ଦେଖି ଆଣନ୍ତି ମନ କୁ ।
ସ୍ମୃତି ହିଁ ଦେଖାଏ ନୀତି , ନିୟମ , ଆଦର୍ଶ
ଅନ୍ତ ରେ ଯୋଗାଏ ସେହି ପ୍ରେରଣା ସାହସ ।
ଦିନ ପରେ ଦିନ ବିତେ ମାସ ପରେ ମାସ
ଋତୁ ପରେ ଋତୁ ପୁଣି ବର୍ଷ ପରେ ବର୍ଷ ।
ଅବିଛିନ୍ନ କ୍ରମେ ଦ୍ରୁତ ଯେ ଅନବରତ
ଗତି ରେ ରତ ରହି ସେ ଚାଲଇ ସତତ ।
ନୀରବେ ଜଗତ କୋଳେ ସ୍ମୃତି ଚିହ୍ନ ରଖି
ନୀରବଛିନ୍ନ ଗତି ରେ ନିତି ଚାଲି ଅଛି ।
ସ୍ମୃତି ଚିହ୍ନ ଦେଖି ସ୍ମୃତି ହୁଏ ଉଦଜିବିତ
ଚକିତ ରହସ୍ୟ ଘେନି ସଞ୍ଚରେ ରୋମାଞ୍ଚ ।
ରହସ୍ୟ ରୋମାଞ୍ଚ ଭରା ଜୀବନ କାହାଣୀ
ଘଟଣା ପ୍ରବାହ ଧାରା ଅନୁସାରେ ଜାଣି ।
ଗବେଷଣା କରି ବାରେ କରେ ସହାୟତା
ଜଗତ ଓ ଜୀବନ ର ଅନନ୍ୟ ବ୍ୟବସ୍ଥା ।