ମାଡିଆସେ ସମୁଦ୍ର

ଓଡିଶାକୁ ଅଭିଶାପ

ସମୁଦ୍ରର କୋପ

ମହାବତ୍ଯା ଅବପାତ

ଝଡ ଲଘୁଚାପ ।

ସମୁଦ୍ରରେ ଲଘୁଚାପ

ଯେବେ ହୁଏ ସୃଷ୍ଟି

ସ୍ଥଳଭାଗ ଛୁଇଁ ସିଏ

କରେ ମେଘ ବୃଷ୍ଟି ।

ଲଘୁଚାପ ନିଏ ଯଦି

ଅବପାତ ରୂପ

ଆତଙ୍କିତ ଉପକୂଳ

ବାତ୍ୟାର ପ୍ରକୋପ ।

ଅଶାନ୍ତ ସମୁଦ୍ର ହୁଏ

ଝଡ ଆସେ ମାଡି

ପ୍ରବଳ ବରଷା ସାଥେ

ପବନର ରଡି ।

ଯୁଆରୀଆ ସମୁଦ୍ରର

ଉତ୍ତାଳ ତରଙ୍ଗ

ଧୋଇନିଏ ଉପକୂଳ

ଗାଁ ଗଣ୍ଡା ରଙ୍ଗ ।

ସୁଜଳା ସୁଫଳା କ୍ଷେତେ

ଚରିଯାଏ ବାଲି

ଭାଷିଯାଏ ଘରଦ୍ୱାର

ଗାଁ ଖାଲିଖାଲି ।

ଧନୀ କି ଗରିବ ସବୁ

ବେସାହାରା ହୋଇ

ସରକାରୀ ସାହାଯ୍ୟକୁ

ରୁହନ୍ତି ଅନାଇ ।।                     

ଏମିତି ସମୁଦ୍ର ଆସି

ଉପକୂଳେ ମାଡି

ଚାଷବାସ ହସଖୁସି

ଦେଉଛି ଉଜାଡି ।

ସମୁଦ୍ରର କୂଳେକୂଳେ

ଗଛଦେଲେ ଭରି

ଆସନ୍ତାନି ଝଡବତ୍ଯା

ଉଗ୍ରରୂପ ଧରି ।

ରାଇଜର ହୁଅନ୍ତାନି

ଏତେ କ୍ଷୟକ୍ଷତି

ଝଡବତ୍ଯା ପାଇଁ ଆଉ

ରୁହନ୍ତାନି ଭିତି ।