Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Sadananda Sahoo

Tragedy

3.0  

Sadananda Sahoo

Tragedy

ସ୍ମୃତି ଆଇନାରେ

ସ୍ମୃତି ଆଇନାରେ

1 min
274



ସ୍ମୃତି ଆଇନାରେ ପ୍ରତିଛବି ଭାସେ

     ଉଜ୍ଜୀବିତ ହୋଇ ଆଜି ;

ଆହେ ପ୍ରାଣପ୍ରିୟ କାହିଁ ଗଲ କୁହ

     ଆଉକି ପାଇବି ଖୋଜି !!


 ସ୍ମୃତି ଫରଦରେ ଅଲିଭା ଅକ୍ଷରେ

     ଲେଖାଅଛି ତୁମ ନାଆଁ ;

ଝୁରିବାଟା ସାର ମୋର ଅଭିସାର

     ମନେ ପଡେ ପ୍ରୀତି ଛୁଆଁ !!


ଦୂର ବିଦେଶରେ ଥିଲ ହେ ଖୁସିରେ

      କର୍ମେ ଆଗଭର ହୋଇ ;

କରୋନା ରାକ୍ଷସ କଲା ସର୍ବନାଶ

      ତୁମକୁ ନେଲା ଛଡାଇ.  !!


ଦୁର୍ବିସହ ମୋର ଅସହାୟ ଜୀବନ

       ଆଖିରୁ ସୁଖୁନି ଲୁହ.;

ବୈଧବ୍ୟ ବେଦନା ଦଉଛି ଯାତନା

      ହୃଦୟେ ଭରିଛି କୋହା !!


କୁନା ମୁନି ନିତି ମୋତେ ପଚାରନ୍ତି

     ବାପା କାହିଁ ଗଲେ ମାମା ;

କି ଉତ୍ତର ଦେବି ତୁମେ କୁହ ଆଜି

    କେ କରିବ ମୋତେ କ୍ଷମା !! 


 ବଞ୍ଚିବା ମରିବା ମୋ ପାଇଁ ସମାନ

     ଜୀବନଟା ଲାଗେ ତୁଚ୍ଛ.;

କେମିତି ବଞ୍ଚିବି ଏକାଏକା ସାଥୀ

      ଦୁନିଆଁଟା ଲାଗେ ମିଛ.!!


ହୀନିମାନ ହୋଇ ନିଇତି କାନ୍ଦୁଛି

     ଅଧାବାଟେ ଛାଡିଗଲ ;

କୁହ ପ୍ରାଣପ୍ରିୟ କେ' ପୋଛିବ ଲୁହ

     ଜୀବନ୍ତ ମରଣ ଦେଲ. !! 


ସ୍ମୃତି ଚିତ୍ର ସବୁ  ଭାସିଉଠେ ବାବୁ

      ଆଉ କି ଆସିବ ଫେରି ;

ସେଇ ସୁଖ ଦିନ. ଅଭୁଲା ସ୍ମରଣ

     କଲା କିଏ ଜାଣି ଚୋରି !!


ସ୍ମୃତି ଚିତ୍ର ଦେଖି କହିଁକି ବଞ୍ଚିବି

     ତୁମେ କୁହ ପ୍ରାଣନାଥ.;

ନେଇଯାଅ ମୋତେ ଯିବି ତୁମପାଶେ

     ହଉଛି ମୁଁ ହତସନ୍ତ. !! 


ହାୟରେ ବିଧାତା କଲୁତୁ ହିନସ୍ତା

      ସ୍ମୃତିକୁ ଝୁରୁଛି ଖାଲି ; 

ନେଇଯାଆ.ମୋତେ ମୋ ପ୍ରିୟପାଶେ

      କହୁଛି ହୃଦୟ ଖୋଲି !! 



Rate this content
Log in

Similar oriya poem from Tragedy