ସମର୍ପିତା ସୌଭାଗିନୀ

କିଣିଥିଲ କୃଷ୍ଣ ମନ

ଅନୁରାଗେ ଅନୁପମ

ବୃଷଭାନୁ ରାଜଜେମା ରାଈକିଶୋରୀ,

ସମର୍ପିତା ସୌଭାଗିନୀ

ପ୍ରେମଶୀଳା ଆହ୍ଲାଦିନୀ

ସୂର୍ଯ୍ୟପ୍ରଭା ରାଧାରାଣୀ ବ୍ରଜସୁନ୍ଦରୀ ।

ଅନନ୍ୟ ସୌନ୍ଦର୍ଯ୍ୟମୟୀ

ଭାବ ଭକ୍ତି ସୁଖଦାୟୀ

ବୃନ୍ଦାବନ ଚନ୍ଦ୍ର ମନ ହୃଦୟ ଜିଣି,

ରସରାସେଶ୍ୱରୀ ରାଧା

ପ୍ରବହିଛ ପ୍ରେମ ସୁଧା

ଚିଦାନନ୍ଦମୟୀ ଦେବୀ କୀର୍ତ୍ତି ନନ୍ଦିନୀ ।

ପୂର୍ଣ୍ଣମାସୀ ପୂର୍ଣ୍ଣକାମା

ଶ୍ରୀରାଧା ଜ୍ୟୋତି ସ୍ୱରୂପା

ଅମୃତର ଅଧୀଶ୍ୱରୀ ଶକ୍ତି ମୋହିନୀ,

ପ୍ରେମମୂର୍ତ୍ତି ରାଧାକୃଷ୍ଣ

ଅଟନ୍ତି ଏକ ଅଭିନ୍ନ

ରାଧା ନାମ ପୁକାରଇ ମୂରଲୀ ଧ୍ୱନୀ ।

ପ୍ରେମ ସତ୍ୟ ଚିରନ୍ତନ

ଆନନ୍ଦେ ମଗ୍ନ ଜୀବନ

ଦୀପ୍ତିମୟୀ ଜ୍ୟୋତିର୍ମୟୀ ସୁଖଦା ବରଦା,

ସଞ୍ଚରୁ ଭାବ ଅମୃତ

ହିରଣ୍ମୟ ସୁବିବେକ

ବିରାଜ ହୃଦୟେ ସଦା ଦେବୀ ଶ୍ରୀରାଧା ।