ସମ୍ଭାବନା

ସମ୍ଭାବନା 

ଘଟିବାକୁ ଥାଏ ଆଗକୁ ଯାହାତ

   ସେ ଅଟଇ ସମ୍ଭାବନା 

କେବେ ସେ ସୁଖର ସପନ ବୁଣଇ

   କେବେ ଲୁହର ଝରଣା 

ଶିଶୁଟିଏ ଯେବେ ଜନ୍ମିବାକୁ ଥାଏ 

    ନେଇ ନୂଆ ସମ୍ଭାବନା 

ଭବିଷ୍ୟତର ସେ ଦାୟଦ ଆମର

   ହସି ଉଠଇ ଅଗଣା 

ଆକାଶରେ ଯେବେ କଳାମେଘ ଘୋଟେ

   ବର୍ଷର ସମ୍ଭାବନା 

ଚାତକ ହରଷେ ଉଡିବୁଲେ ନଭେ

   ପୁରିବ ମନକାମନା 

ଚାଷୀଭାଇ କ୍ଷେତେ ବିହନ ବୁଣଇ

    ଫସଲର ସମ୍ଭାବନା 

ସାରା ଜଗତକୁ ଖାଦ୍ୟ ଯୋଗାଇବ

    ମନରେ କରେ କଳ୍ପନା 

ଦୈବୀ ଦୁର୍ବିପାକ ବାତ୍ୟା ଓ ବନ୍ୟାର

    ଥାଏ ଯେବେ ସମ୍ଭାବନା

ଚାଷୀର ମୁଣ୍ଡରେ ଚଡକ ପଡଇ

    ସବୁ ସ୍ଵପ୍ନ ହୁଏ ଚୁନା

ସମ୍ଭାବନା କେବେ ସତ ହୋଇଥାଏ

   କେବେ ସେ ମିଳାଇଯାଏ

ତଥାପି ମନୁଷ୍ୟ ସମ୍ଭାବନା ନେଇ

   ଆଗକୁ ହିଁ ବଢିଥାଏ