ସମାନ ଶିକ୍ଷା

ପକ୍ଷପାତିତା କାହିଁକି ଏ ସମାଜର ?..

   ଗଢି ତ ନଥିଲା ବିହି ଏ ସଂସାର ,

ତରାଜୁୁରେ ତଉଲି ଉଚ୍ଚ ନିଚ୍ଚର ?..

ଭିନ୍ନ ତା କାହିଁକି ପାଳନର ମାନଦଣ୍ଡ 

        ପୁତ୍ର ଆଉ କନ୍ୟାର ?...

ସଂସାର ଚଳଣି, ରୀତିନୀତିର ,

  କିମ୍ପାଇ ମିିିଳେ କନ୍ୟାକୁ ଶିକ୍ଷା ବାଧ୍ୟତାର ?.. ,

ପଢାଯାଏ ପାଠ ପୁଣି ତାକୁ 

   ଶାଳିନତା, ସଂଯମତା ଓ ଧୈର୍ଯ୍ୟର।

ଶିିିଷ୍ଠତା ଆଚରିିିବା କାର୍ଯ୍ୟ 

      କ'ଣ ଖାଲି  ଝିଅ ଆଉ ବୋହୁର ? ..

ସମାନ ନୁୁହେଁ କାହିଁ ସେମିତି 

      କର୍ତ୍ତବ୍ୟ  ପୁୁଅର କି ଜୋଇଁର?..

ନ ଦେଇ ସୁଶିିକ୍ଷା ପୁୁତ୍ରକୁ

     ଦେଉନୁୁ କି ପ୍ରଶ୍ରୟ 

         ବ୍ୟଭିଚାର ଓ ଅନ୍ୟାୟକୁ ? ...

ଯେଣୁ ମଣେ ଅସୁୁରକ୍ଷିତ 

        ମା' ଜନ୍ମିବାକୁ କନ୍ୟା ଶିଶୁଟିିିିକୁ ।

ନ ପାରିବା ଯଦି ପାଳି 

       ସୁସଂସ୍କାର ଦେଇ ନିଜ ପୁତ୍ରଟିକୁ ; ..

ଦମନ କରି କି ପାରିବା 

       କୁଶିିକ୍ଷା ସୃଷ୍ଟ ନର ରାକ୍ଷସ ଗୁଡିକୁ?..

କେତେ ବା ନିର୍ଭୟାର ନ୍ୟାୟ ରେ

      ମାତାଗଣ ଭୁଲାଇବେ ପୁତ୍ର ଶୋକକୁ ?.

ସତ୍ ଶିକ୍ଷାରେ ଗଢିବା ନୁହେଁ କି

      ଉଚିତ ସନ୍ତାନର ବାଲ୍ୟ ଜୀବନକୁ ?

ଏ  ଦେଶ ଚାଲେ ମିିଛ ଦ୍ୱାହି ଦେଇ ...

   "  ଉନ୍ନତି ପଥେ ଗଲେଣି ଆଗେଇ 

       ପୁଅ ଝିଅ କାନ୍ଧକୁ କାନ୍ଧ ମିଳାଇ "

ଭ୍ରଷ୍ଟ ମାନସିିିିକତା କିନ୍ତୁ ବଦଳି ତ ନାହିଁ ।

ଗର୍ବିତ ଭାରତୀୟ  ଦୂର ବିଦେଶରେ 

         ଯେଉଁ ପୂର୍ବ ସଂସ୍କୃତି ଆଧାରେ ;

ଗଲାଣି ଭୁଷୁଡି ସେ କାଳ ଐତିିିହ

      ଶଂକିତେ ଦୁହିତା ପିତାମାତା ଏ ଭୂମିରେ।

ଭୁୁଲି ଆଜି ନାରୀ ସମ୍ମାନ ରୀତି 

      କଳଂକିତ ଦେଶ ଏ 

          ଦୁଷ୍କର୍ମ ହତ୍ୟା ବର୍ଦ୍ଧିତ ମାତ୍ରାରେ ।

ଆସ ସୁୁୁଜନେ ନୂତନ ସମାଜ ଗଢିବା 

  ପାଳ ପୁତ୍ରକନ୍ୟାକୁ ସମାନ ଶିକ୍ଷା ସଂସ୍କାରେ,

     ସନ୍ତାନଙ୍କୁ ଆମ ଶିଖାଇ ଯିବା

ଉନ୍ନତି ର ପଥ ଏକ ଆଗାମୀ ଜନକୁ ଦେବା ।