ସମାଜ ଓ ଶିଶୁ

ଦୁନିଆଁରେ ଯେତେ ଜୀବଜନ୍ତୁ ଅଛନ୍ତି

ମଣିଷଟି ସାମାଜିକ ।

ସମାଜରେ ରହି ମଣିଷ ପଣିଆ

ଦିଏଟି ଜୀବନ ଯାକ ।।

ଆଜିକାର ଶିଶୁ ଆସନ୍ତାକାଲିର

ହୋଇଥାଏ ନାଗରିକ ।

ସମାଜ ଉନ୍ନତି ସମ୍ଭବ ହୋଇବ

ଶିଶୁ ହେଲେ ଜାଗତିକ ।।

ପିତାମାତାଙ୍କର ପରମ କର୍ତ୍ତବ୍ୟ

ଶିଶୁଙ୍କୁ ଛୋଟରୁ ବଡ଼ ।

ସଳଖ ରାସ୍ତାରେ ବାଟ କଢ଼ାଇବା

ନ ହେଲେ ତ ଗଡ଼ବଡ଼ ।।

ଅପେକ୍ଷା ରଖୁଛି ଆଜିର ସମାଜ

ଏବେର ଶିଶୁଙ୍କ ପାଇଁ ।

ସୁସ୍ଥ ସମାଜଟି ଗଢ଼ିଦେବା ଆଶା

ଦେଶ ହିତ ଅଛି ଯହିଁ ।।

ନିଜ ଦେଶ ଭାଷା ନିଜର ସଂସ୍କୃତି

ମାତୃଭୂମିର ପ୍ରଗତି ।

ସମାଜ ଚାହୁଁଛି ଶିଶୁଙ୍କ କର୍ମରେ

ଭରିଯାଉ ଦେଶ ପ୍ରୀତି ।।

ସମାଜ ଓ ଶିଶୁ ଓତଃପ୍ରୋତ ଭାବେ

ମୁଦ୍ରାର ଦୁଇଟି ପାର୍ଶ୍ଵ ।

ତାଙ୍କ ହାତମୁଠା କରିବ ପ୍ରଗତି

ପୂର୍ଣ୍ଣ ସଫଳତା ପ୍ରାପ୍ତି ।।