ସକାଳର ଜଣାଣ

କେଉଁଠୁ ଆସିଛି   କେଉଁଠାକୁ ଯିବି

    ଏକଥା ଜାଣେନି ନାଥ

ଏତିକି ଜାଣିଛି   ତୁମ ଛଡା କେହି

    ସାଥୀ ନାହିଁ ଜଗନ୍ନାଥ।

ଯେଉଁ ଦିନ ତୁମେ  ହାତ ଛାଡ଼ିଦେବ

    ଘୁରି ଯିବ ମୋର ମଥା

ଦୁନିଆ ଦାଣ୍ଡରେ   ନାନାଦି କଷଣ

    ସଂକଟେ ପାଇବି ବ୍ୟଥା।

ମନରେ ପ୍ରଶାନ୍ତି   ଆସିବା ନିମନ୍ତେ

   ତୋ ଠାରେ ନିଏ ଶରଣ

ତୁମେ ଅଛ ବୋଲି ଜଣା ପଡେ ନାହିଁ

   ସରିଯାଏ ମୋର ଦିନ।

ତୁମରି ସୃଷ୍ଟିରେ    ସବୁତ ମହାନ

    ତୁମେ ତାର ଅଧିକର୍ତ୍ତା

ମୁଁ ଅଟେ ଜୀବତ୍ମା  ତୁମେ ପରମାତ୍ମା

   ମୋହର ଭାଗ୍ୟ ବିଧାତା।

ଦୋଷାଦୋଷ ପ୍ରଭୁ  କ୍ଷମା କରିଦେବ

     ଆହେ କ୍ଷମାର ବାରିଧି

ଜନମରେ ଥିଲ   ମରଣେ ରହିବ

     ଏଇ ଭିକ୍ଷା କୃପାନିଧି।