ସଜଳ ଆଖିର-କଜଳ ଇଶାରା
ସଜଳ ଆଖିର-କଜଳ ଇଶାରା
ଦୀପକ ଷଡଙ୍ଗୀ
ମହୁମଖା ତୁମ ଓଠର ପରଶକୁ
ଓଠତ ମୋ ଝୁରୁଅଛି ।
ସଜଳ ଆଖିର ତୁମ କଜଳ ଇଶାରା
ମୋତେ ହାତଠାରି ଡାକୁ ଅଛି ।
ତୁମ ମନ ବନେ ଫଗୁଣ ହସିଲେ
ମୋ ମନେ ମଳୟ ବହେ,
ଗୋଲାପି ଓଠରୁ ତୁମ ଝରିଲେ ମହୁ
ମୋ ମନ ମହୁଆ ହୁଏ ।
ତୁମ ବଗିଚାର ବଉଳର ବାସ
ମହ ମହ ମହକୁଛି,
ସଜଳ ଆଖିର ତୁମ କଜଳ ଇଶାରା
ମୋତେ ଖାଲି ଡାକୁଅଛି ।
ତୁମ ସ୍ଵପ୍ନର ଜ୍ୟୋସ୍ନ। ଜୁଆର
ମୋ ମନେ ସପନ ଛାଇ,
ଚାନ୍ଦିନୀ ରାତିର ଚନ୍ଦନ ଶୀତଳେ
ଗୀତ କିଏ ଯାଏ ଗାଇ ।
ସେଇ ଗୀତ ସୁରେ ଫୁଲର ଫଗୁଣ
ରଙ୍ଗ କେତେ ବୋଳୁଅଛି,
ସଜଳ ଆଖିର ତୁମ କଜଳ ଇଶାରା
ମୋତେ ହାତ ଠାରି ଡାକୁଅଛି ।
ଅଧ୍ୟାପକ,ରୋଲାଣ୍ଡ ଫାର୍ମାସୀ କଲେଜ
ଖୋଡାସିଂଗି, ବ୍ରହ୍ମପୁର – ୧୦
Email :sarangi.dipu@gmail.com