ମୁଁ ଗରିବ

ଦୀପକ ଷଡଙ୍ଗୀ

ରସ୍ତାକଡ ଅଳିଆଟେ ମୁଁ

ଫୋପାଡି ଦିଅ ମତେ କଚରା ଡବାରେ

ଦରମଲା କୁକୁରଟେ ମୁଁ

ମୋତେ ମାରି ଦିଅ ପିଟିପିଟି ଠେଙ୍ଗାରେ

ସ୍ଵରହୀନ ସଙ୍ଗୀତଟେ ମୁଁ

ମୋତେ ଗାଇ ଦିଅ କ୍ଷୀଣ ସ୍ଵରରେ

ସବୁ ବୁଝିସୁଝି ଅବୁଝାଟେ ମୁଁ

ମୋତେ ଗାଳି ଦିଅ କୁଶ୍ଚିତ ଭାଷାରେ

ହସି ପାରୁଥିବା ଦୁଖଟିଏ ମୁଁ

ମୋ ଲୁହ ଥରେ ପୋଛି ଦିଅ କୋମଳ ହାତରେ

ଗୋଡ ଥାଇ ପଙ୍ଗୁଟିଏ ମୁଁ

ଚାଲିବାକୁ ଆଶ୍ରା ଟିକେ ଦିଅ ତୁମ କାନ୍ଧରେ

ସବୁଜିମା ଥାଇ ଟାଙ୍ଗରା ଭୁଇଁଟେ ମୁଁ

ଶ୍ମସାନ ସ୍ଥାପନ କର ମୋ ବୁକୁରେ

ଏ ଧନୀ ସମାଜରେ ହୀନଟିଏ ମୁଁ

ମୋ ଆଡେ ଚାହଁ ଥରେ କୃପାଦୃଷ୍ଟିରେ