ସୀତା ବିବାହ

ପ୍ରଥମ ଓଡ଼ିଆ ଚଳଚ୍ଚିତ୍ର ସେତ

ଅଟଇ ସୀତା ବିବାହ

ମୋହନ ସୁନ୍ଦର ଦେବ ଗୋସ୍ୱାମୀ ଙ୍କ

ପ୍ରଯୋଜିତ ନିର୍ଦ୍ଦେଶିତ ।

ନିର୍ମାଣିତ ହେଲା ସେହି ଚଳଚିତ୍ର

ପବିତ୍ର ଶ୍ରୀ କ୍ଷେତ୍ର ଧାମେ

ଉଣାଇସ ଶ ପଞ୍ଚ ତ୍ରିଂଶ ମସିହା ରେ

ଚଉଦ ଟି ଗୀତ ସ୍ୱନେ ।

ଅପୂର୍ବ ସ୍ପନ୍ଦନ ଲହରୀ ତୋଲଇ

ଯାହା ଦର୍ଶକ ଙ୍କ ମନେ

କାମ ପାଳ ମିଶ୍ର କାହାଣୀ ସଂଳାପ

 ତାହାର ରଚନା କଲେ ।

ହରି ଚରଣ ଙ୍କ ସଙ୍ଗୀତ ସର୍ଜନା

ଅପୂର୍ବ ମାଧୁରୀ ତାଳେ

ରାମ ସୀତା ଙ୍କ ର ବିବାହ କାହାଣୀ

ଆଧାରେ ରୋମାଞ୍ଚ ମlଳେ ।

ଅଢେଇ ଘଣ୍ଟିଆ ଏହି ଚଳଚିତ୍ର

ଆହା କି ଆମୋଦ ମୟ

ରାମ ଭୂମିକା ରେ ମାଖନ ଲାଲ ଙ୍କ

ଆକର୍ଷକ ଅଭିନୟ ।

 ଅଭିନେତ୍ରୀ ତହିଁ ସୀତା ଚରିତ୍ର ରେ 

ପ୍ରଭାଵତୀ ଙ୍କ ନିଖୁଣ  

ଅଭିନୟ ସାଥେ ଆଦିତ୍ୟ ମହାନ୍ତି

ହୋଇଣ ଥିଲେ ଲକ୍ଷ୍ମଣ ।

ଉଣାଇସ ଶହ ଛତିଶ ଏପ୍ରିଲ 

ପୁରୀ ର ଲକ୍ଷ୍ମୀ ଟକିଜ

ଠାରେ ଏ ପ୍ରଥମେ ପ୍ରଦର୍ଶିତ ହୋଇ

କଲା ସଭିଙ୍କୁ ଆଶ୍ଚର୍ଯ୍ୟ ।

ଚକିତ ହୋଇଲେ ସିନେମା ହଲ ରେ

ଚଳ ଚିତ୍ର ଅଭିନୟ 

ସୀତା ବିବାହ ର ଲୀଳା ଅଭିନୀତ

ଚିତ୍ରବଳି ଅହରହ ।

ବିଦ୍ୟୁତ ଆଲୋକ ସଂଗୀତ ଝଲକ

ଚଳି ସୃଜଇ ପୁଲକ

ପ୍ରଥମ ଓଡ଼ିଆ ଚଳଚ୍ଚିତ୍ର ହୋଇ

ରଖିଲା ପ୍ରସିଦ୍ଧି ଟେକ ।