ଶୂନ୍ୟତା

ଲହରୀ ପରିକା ଇଚ୍ଛାରେ ତୋହର,

ଏ ଦରିଆକୁ ଭୁଲି ଯାଆନା ତୁ..

ଢେଉ ତ ଆସିବ ମନରେ ତୋହର,

ଭଉଁରୀରେ ମିଶି ଯାଆନା ତୁ..!

ମନର ମୌନତା ଶବ୍ଦର ଶୂନ୍ୟତା

ବେପଥୁରେ ଝରି ଯାଆନା ତୁ,

ଏ ଅଥଳ ହୃଦୟ ଗଭୀର ଲହରେ,

ମଝି ଧାରେ ହଜି ଯାଆନା ତୁ..!

ବହି କି ତ ଦେଖ ଝରି କି ତ ଦେଖ

ଜୁଆରରେ ଭଟ୍ଟା ଫେରନା ତୁ

ଏ ଦରିଆର ଲୁହ ଯନ୍ତ୍ରଣାର କୋହ, 

ଶୂନ୍ୟତାକୁ ଥରେ ମାପ ତ ତୁ..!

ଆସୁଛି ଯେବେ ମୁଁ କୂଳକୁ ତୋହର,

ଭରମରେ ଭ୍ରମି ଯାଉଛି ତ ମୁଁ,

ଭାବୁଚି ଯେବେ ମୁଁ ପୂର୍ଣ୍ଣତାର ଗାଥା,

ଶୂନ୍ୟତାରେ ଭରି ଯାଉଛି ମୁଁ..!

ବହୁତ ସୁନ୍ଦର ପରା ତୋ କାରିଗରୀ,

ଦେଖୁଅଛି ଆଜି ଆଖିରେ ମୁଁ,

ମୁଁ ସିନା ଦେଖୁଛି ମୋ ଆଖି ଖୋଲି,

ବନ୍ଦ ଆଖିରେ କି ଦେଖୁଚୁ ତୁ..!