ଶୂନ୍ୟ ସ୍ଥାନ

ଖୋଲା ଆକାଶରେ 

ବେସାହାରା ହୋଇ 

ଉଡି ବୁଲୁଥିବା ବେଳେ,

ତୁମେ ଦେଲ ମତେ 

ସବୁଜ ସଂକେତ ଗଢ଼ିବାକୁ ବସା 

ଏଇ ମୋର ଛୋଟ ହୃଦୟରେ....

 

ନିର୍ଦ୍ୱନ୍ଦ୍ୱ, ନିଃସନ୍ଦେହରେ 

ବିଶ୍ୱାସ ଜନ୍ମାଇ ହାତ ବଢ଼ାଇ 

ଆଗେଇ ଆସିଲି ,

ବସା ବାନ୍ଧିଲି,

ମଧୁଝରା କଣ୍ଠରେ 

ଗୀତ ବି ଗାଇଲି, 

ନିରାଶ ଜୀବନେ 

ବଞ୍ଚିବାର ଆଶା ଜନ୍ମାଇଲ....

 

ବନ୍ଧୁଠୁ ଅଧିକ ଭଲ ପାଇଲ,

ମୋର ଫୁଲ,ଫଳ,ଛାୟା  

ତୁମ ପାଇଁ କରିଲି ମୁଁ ଦାନ ,

ତୁମର ମଧୁ ମୂର୍ଚ୍ଛନାରେ , 

ଛନ୍ଦରେ, ତାଳରେ ଭରିଗଲା 

ଏଇ ଛୋଟ ହୃଦୟର ଶୂନ୍ୟସ୍ଥାନ !