ଶୁଣ ସଖି
ଶୁଣ ସଖି
ଶୁଣ ସଖି କିଛି କଥା ଅଛି
ବନ୍ଧୁ ହେବି ତୁମ ପ୍ରେମିକ ପ୍ରବର ନୁହଁ
ପ୍ରେମର ଶେଷରେ ପ୍ରତାରଣା ଅଛି
ବନ୍ଧୁତ୍ୱର ଶେଷ ନୁହଁ
ରାଧା ସେଠି ଦେଖ କାନ୍ଦି କାନ୍ଦି ମରେ
ପାଇଲାନି ଶ୍ୟାମଘନ
ସଖି ଦ୍ରୌପଦୀର କ୍ଷଣିକ କାନ୍ଦରେ
ଦେଲେ ଢାଳି କେତେ ବସନ
ରାଧା ପାଇଁ ସଖି ପ୍ରତାରଣା ବିନ୍ଦୁ
ଦ୍ରୌପଦୀ ପାଇଁକା ସିଂହାସନ ଇନ୍ଦୁ
ରାଧା ପାଇଁ ଖାଲି ଦୁଃଖ ବେଦନା
ଦ୍ରୌପଦୀ ପାଇଁକା ଯୁଦ୍ଧ କଲେ କାହ୍ନା
ପ୍ରେମର ଉଦ୍ଦେଶ୍ୟ ଯୌବନ ଛିଟା
ବନ୍ଧୁତା ଉଦ୍ଦେଶ୍ୟ ନୁହଁ
ପ୍ରେମ ଦେଇଯାଏ ଲୁହ ଭରା ଆଖି
ବନ୍ଧୁ ମୁଁହରେ ହସ ଦିଏ ଲାଖି
ବନ୍ଧୁତ୍ୱ ସକାଶେ ହତ ହେଲା ବଳି
ବନ୍ଧୁତ୍ୱ ଆଦରେ ଦଶାନନ ବଳି
ସେଥିପାଇଁ ପୁଣି କୁରୁବଂଶ ଗଲା ଜଳି
ସବୁ ଜାଣି ତୁମ୍ଭେ କିମ୍ପା କର ଅଳି।
ତେଣୁ ସଖି ଆସ ବନ୍ଧୁତା ରଚିବା
ପ୍ରେମ ଭୁଲିଯାଇ ବାହୁରେ ମିଶିବା
ତୁମର ହସରେ ହସ ମିଶାଇବି
ମୁଁହରୁ ତୁମର ଦୁଃଖ ହଜାଇବି।
ଶୁଣ ସଖି କିଛି କଥା ଅଛି
ବନ୍ଧୁ ହେବି ତୁମ ପ୍ରେମିକ ପ୍ରବର ନୁହଁ
ପ୍ରେମର ଶେଷରେ ପ୍ରତାରଣା ଅଛି
ବନ୍ଧୁତ୍ୱର ଶେଷ ନୁହଁ।