ଫଟା ପୋଷ୍ଟର

ମିଠା ଦୋକାନର ବେମୁରୁଆ

ଚାହା ଦୋକାନର ଲଗାମ୍ ଛଡ଼ା

କବାଡି ବାଲାର ଧୂଳିଆ

ଧୂଳି ଧୂସରିଆ ମୁଳିଆ

ଲୁଗା ଦୋକାନର ଛୋଟୁ

ଖେଳନା ଘରର ନଟୁ

ସ୍ୱାସ୍ଥ୍ୟ ନଥିବା କିଛି ପେଟୁ

ସିଏ ପେପର୍ ବୟ୍ କାଗଜ ବିକେ

ଗାଳି ଶୁଣି ଅନେକ କଥା ଶିଖେ

ସିଏ ଚାହା ଛାଣେ ଜାଲ ବୁଣେ

ରିକ୍ସା ଟାଣେ ଇଟା ଗଣେ

ଜୋତା ସଫା କରେ ଗାଡ଼ି ଧୁଏ

ଯନ୍ତ୍ରଣାରେ ନା କାନ୍ଦେ ନା କିଛି କୁହେ

ଛୋଟ ପାପୁଲିରେ ଖାଇବା ପାଇଲେ

ସାନ ଭଉଣୀକୁ ଧରେଇ ଦିଏ

ସିଏ କବାଡି ଵାଲା ଲୁହା ଖୋଜେ

କାହା ବଗିଚାରେ ପାଣି ସିଞ୍ଚେ

ଭଦ୍ରାମି ସେ କେମିତି ଶିଖିବ

ଛୋଟ ପିଲା ସେ କିଛି ଜାଣେନା

ସିଙ୍ଗାଣିଆ ତାର ମୁହଁଟା

ଶୁଖିଲା ନୁଖୁରା ଦେହଟା

ଦୁଃଖ ଜାଣି ନଥିବା ଆଖିଟା

ମାଆ ତାକୁ କଜଳ ଲଗେଇ ଦିଏନା କାମକୁ ପାଠଏ

ଜେଜେମା ଗପ ନଶୁଣି ବି ରାତି ହେଲେ

ପରିଶ୍ରମର ଚାଦର ଘୋଡି ଚୁପ୍ ଚାପ୍ ଶୋଇଯାଏ

ଶହେ ଟଙ୍କାରେ ବାପାଙ୍କ ପାଇଁ ଔଷଧ କିଣେ

ଟଙ୍କା ବଳିଲେ ଭଉଣୀ ପାଇଁ ଚକୋଲେଟ୍ ଆଣେ

ଆଉ ସେ ପ୍ରେମ ଚନ୍ଦଙ୍କ ନାୟକ

ଯିଏ ବୁଢୀମା ପାଇଁ ଚିମୁଟା ଆଣିଥିଲା

ସତ୍ୟାର୍ଥିଙ୍କ ସଫଳତା ଯିଏ ନୋବେଲ ଶାନ୍ତି ଧରେଇ ଦେଲା

ସେ ବାଳଶ୍ରମିକ ଖଣ୍ଡିଆ ବୟସରେ ଜୀବନର ମାନେ ପୁରା ବୁଝେ

ସିଏ ଫଟା ପୋଷ୍ଟର ଯୋଡିବା ପାଇଁ ସାହାଯ୍ୟ ଖୋଜେ

ଓଠ ହସ ପେଟ ଖାଦ୍ୟ ହାତ ତାର ବି ଖେଳନା ଖୋଜେ

କଠୋର ଲେଖି କଷ୍ଟ ଦେବି ଏତେ ମୋର ଶକ୍ତି କାହିଁ

ଏତିକି କହିବି ତାକୁ ଦେଖିଲେ ସ୍କୁଲର ବାଟ ଦେଖାଇଦେବ

ହାତକୁ କଲମ ଉଜ୍ଜ୍ୱଳ ଭବିଷ୍ୟତ ଜୀବନ କଣ ବୁଝେଇ ଦେବ

-------------------------------------------------------------------

ପ୍ରେମ ଚନ୍ଦଙ୍କ ନାୟକ - ଗୋଟେ ଗପ ଥିଲା ପ୍ରେମ ଚାନ୍ଦଙ୍କ ବୁଢ଼ି ମାଆର ରୁଟି ସେକୁ ସେକୁ ହାତ ଜଳିବାରୁ ପାଞ୍ଚ ପଇସାରେ ଚିମୁଟା ଆଣିଥିଲା।

ସତ୍ୟାର୍ଥୀ - କୈଳାଶ ସତ୍ୟାର୍ଥୀ ବାଳଶ୍ରମିକ ଆନ୍ଦୋଳନରେ ମୁଖ୍ୟ ଭୂମିକା ଗ୍ରହଣ କରି ୨୦୧୪ରେ ନୋବେଲ ଶାନ୍ତି ପୁରସ୍କାର ପାଇଥିଲେ।