ସମ୍ପର୍କ

ଶୁଣ ସଖୀ

ଆଜି କଥା ଅଛି 

ଏଇ ମଧୁର ଗୋଧୂଳି ଲଗନେ

ଚାଲ ଯିବା ପ୍ରେମ ଉପବନେ

ସ୍ଥିର ଚିତ୍ତେ ମନ ମଧ୍ୟେ 

ଯାହା କଥା ଅଛି ଗୋପନେ

ତୁମ ସହ ମୋର ପ୍ରଥମ ଦେଖା

ନାଥିଲା ପ୍ରେମ ନା ଆବିଲତା

ମାନୁ ଥିଲି ଖାଲି ପିତାଙ୍କ କଥା

ଶାନ୍ତ ଚେହେରାରେ ଶାଢ଼ୀ ପିନ୍ଧି ଯେବେ ଆସିଲ

ଥର ହର ହାତରେ ସର୍ବତ ରଖି

ମନେ ଅଛି ଚୁପଚାପ୍ ତୁମେ ବସିଥିଲ

ପ୍ରଶ୍ନର ଲହର ଛୁଟିଲା 

ଆରମ୍ଭ ହେଲା ସାକ୍ଷାତକାର

ଲାଜୁଆ ଆଖି ଥରିଲା ଓଠରେ 

ଧୀରେ ଧୀରେ ସବୁ ଜବାବ୍ ଦେଲ

ତୁମେ ବି କିଛି କହିବାକୁ ଚାହୁଁ ଥିଲ

କିନ୍ତୁ ପରମ୍ପରା ଆଗରେ ହାର ମାନିଲ

ତୁମେ ଅର୍ଦ୍ଧାଙ୍ଗିନୀ ପରେ ଆଗ ସାଜ ସଖୀ ମୋର

ଭଲ ବନ୍ଧୁ ହେଲେ ଯୋଡିବ ଭାବ ପ୍ରୀତିର

କୁହ ଆଜି ସଖୀ ତୁମ ମନ କଥା 

କେମିତି ଶିଖିଲ ଏଇ ନିରବତା

କିଏ ଗାଳି ଦେଲେ କାହିଁ ଚୁପଚାପ୍ ସହିଯାଅ

ଆଉ ମୁଁ ଜାଣେ ତୁମେ ଲୁଚିଲୁଚି କାନ୍ଦି ଯାଅ

ଖାଇବା ବାଢ଼ି ପଛରେ ଖାଅ

ସକାଳୁ ଉଠି ଆଜି ଗାଧାଆ

ଶୀତ କି ଖରା ତୁମଠି ନାହିଁ

କାମ କରିଚାଲ କିଛି ନ କହି

ଏତେ ନିରବତା କେମିତି ଶିଖିଲ

କେବେ କହିବ ମନର କଥା 

ଅର୍ଦ୍ଧାଙ୍ଗିନୀ ନୁହେଁ ପୂର୍ଣ୍ଣ ତୁମେ ମୋର

ତମ ମନ କଥା ଜାଣିବା ଅଧିକାର

ସବୁ ଭରସାରେ ଆଣିଛି ତୁମକୁ

ରଖିବି ଯତନେ କଥା ଦେଲି ତୁମକୁ

ମନ କଥା ତମେ ମୋତେ କହିବ

ବାକି କଥା ସବୁ ପାଶୋରି ଦବ

ଭାବର ସହରେ ଘର କରିବା

ତୁମେ ହେବ ମୋର ମୁଁ ହେବି ତୁମର