କୁଲି ଆଉ କର୍ମ

କର୍ମ କରି ନର କରେ ରୋଜଗାର

ପେଟ ପାଇଁ ସବୁ ନାଟ

କର୍ମ ଭଲ ମନ୍ଦ ବିଚାର ରହିତ

ସମାଜ କର୍ମର ହାଟ ll

କୌଳିକ ବେଉସା ଜନ ସେବା ପରା

ବାରିକ କୁମ୍ଭାର ଜାତି

କମାର ବଢ଼େଇ ରଜକ ସଭିଏଁ

ସେବାରେ ଥାଆନ୍ତି ମାତି ll

ଧନ ରୋଜଗାର ବଞ୍ଚିବାର ସାହା

ଖାଦ୍ୟ ବସ୍ତ୍ର ବାସସ୍ଥାନ

ଅଳସୁଆ ଲୋକ ଚାତକ ପରିକା

ଚାହୁଁଥାଏ ଅନ୍ୟ ଦାନ ll

ମେହେନ୍ତର କୁଲି ମୁଲିଆ ଚାକର

ପର ପାଇଁ କାମ କରେ

ଶ୍ରମିକ ସେବାରେ ଦେଶ ବିକଶିତ

କୋଢିଆ ଜଳେ ଈର୍ଷାରେ ll

ରେଳ ଷ୍ଟେସନରେ ବସ ରହିବାରେ

କୁଲିର କର୍ମର ସ୍ଥାନ

ବୋଝ ଦୁଇ ହାତ ସାଥି ହୋଇ ସେତ

କରେ ସେ ଯାତ୍ରୀ ମଙ୍ଗଳ ll

ପର ବୋଝ ମୁଣ୍ଡେ ଲଦି କରି କୁଲି

ଯାତ୍ରୀଙ୍କର ସହାୟତା

ପ୍ରତି ଦାନେ ପାଏ କଉଡ଼ି ପଇସା

ଜିଇଁବାର ର ସତ୍ୟତା ll

ଥିଲେ ଯେ ନିରୀହ କୁଲିମାନେ ସବୁ

କରୁଥିଲେ ଯାତ୍ରୀ ସେବା

ଏବେକାର କୁଲି ନୁହେଁ ଆଗପରି

ନିଶା ତା ପଇସା ନେବା ll

ପାଞ୍ଚ ଟଙ୍କା ଜାଗେ ପଚିଶି ନିଅନ୍ତି

ଯାତ୍ରୀଙ୍କୁ ଦେଇ କଷଣ

ଚୋରି ଡକାୟତି ଅପକର୍ମେ ମାତି

କରଥାନ୍ତି ଯେ ଶୋଷଣ ll

କୁଲି ସଂଘ ଗଢି ବଢ଼ାଇ ପ୍ରଭାବ

ନାଲି ରଙ୍ଗେ ନାଲି ଆଖି

ନୁହେଁ ସେ ନିରୀହ ପାଏ ସବୁ ସାହା

ଅତୀତ ହୁଏତା ସାକ୍ଷୀ ll

କର୍ମ ଧର୍ମ ପୁଣି କର୍ମ ହିଁ ଈଶ୍ୱର

ସତକର୍ମେ ରହୁ ମନ

କୁଲି କର୍ମ ନୁହେଁ ଅସମ୍ମାନ କର୍ମ

କର୍ମକୁ କର ସମ୍ମାନ ।।