STORYMIRROR

ABADHOOT PANDA

Abstract Others

3  

ABADHOOT PANDA

Abstract Others

କାଳିମାହାରିଣୀ ମାତା ମହାକାଳୀ

କାଳିମାହାରିଣୀ ମାତା ମହାକାଳୀ

1 min
312



ଜୟ ମା କାଳୀ ଖର୍ପଣ ଧାରିଣୀ ଜଗତର କାଳିମା

ବିନାଶିନୀ ମାତେ ପ୍ରଣାମ ଘେନ ଆମର ହେ

କାତ୍ୟାୟିନୀ l

ଯୁଗ ଯୁଗାନ୍ତରେ ସମସ୍ତ ବିଶ୍ୱ ବାସୀଙ୍କ କଲ୍ମଷ

କରି ବହନ ନିଜ ଅନ୍ତରେ ଭୋ ମାତେ ସାଜିଛ

ପୁଣ୍ୟ ପ୍ରଦାୟିନୀ l


ଜଡ଼ ବାଦୀ ଦୁନିଆରେ ସମସ୍ତ ଜଡ଼ ଵସ୍ତୁରେ

ବିରାଜ ମାନ ତୁମେ ସଦା l

ନବହି ମନେ ଖେଦ ରକ୍ଷା କବଚ ସୂତ୍ରେ ବାନ୍ଧି

ରଖିଛ ତଵ ସନ୍ତାନେ ହେ ବରଦା l


 ନକରାତ୍ମକ ଦୁର୍ଗୁଣ ବିଷୟବାସୀଙ୍କ ଦେଇଛ

ବୋଳି ମାତେ ତଵ ଗାତ୍ରେ l

ପରିବର୍ତ୍ତେ ପରିପୂର୍ଣ୍ଣ କରି ସେମାନଙ୍କ ମାନସେ

ସକାରାତ୍ମକ ସୁଗୁଣ ଅବିରତେ l


ଆଦିମାତା ତୁମେ ମାତ ଶଙ୍କର ଘରଣୀ ସଦା

ପତିବ୍ରତା ସୁମାତା ବିଶ୍ୱ ବନ୍ଦିତା l

ଅବିର୍ଭୁତ ହୁଅ ତୁମେ ପ୍ରତି ସମ୍ବତ୍ସରେ ଦର୍ଶାଇ

ଜନମୁକ୍ତି ପ୍ରଦାୟୀ ତଵ ବ

ାତ୍ସଲ୍ୟ ମମତା l


ମୁଣ୍ମୟ ବିଗ୍ରହେ ହୋଇ ପ୍ରବିଷ୍ଟ ଧରାଧାମେ

ଆଶୀଷ ଢାଳି ଚାଲିଛ ତଵ ସନ୍ତାନଶିରେ l

ଚଳିତ ଶତାବ୍ଦୀର କାୟ ମନ ସଙ୍କଟ କର

ହରଣ ମାତେ କରୁଛୁ ପ୍ରଣାମ ତଵ ପୟରେ l


ଏକ ବିଂଶ ଶତାବ୍ଦୀର ଜନଗଣ ଆଜି ସନ୍ଦିଗ୍ଧ

ଏକ ଶାନ୍ତି ପୂର୍ଣ୍ଣ ରାଜକତା ଅନ୍ୱେଷଣେ l

ନମିଳେ ପ୍ରକୃଷ୍ଟ ପ୍ରେରଣାର ଉତ୍ସ ଆଜି ଏଇ

ଅର୍ଥ ସର୍ବସ୍ବ ଧରା ଭୂମେ ଚିର ଶାନ୍ତି ସ୍ଥାପନେ l


କରୁଛୁ ସଭିଏଁ ପ୍ରାର୍ଥନା ତଵ ଶ୍ରୀ ଚରଣ ତଳେ

କୃପା ବାରି ଢାଳି ଦିଅ ମାତେ ଆର୍ଯ୍ୟ ଦେଶେ l

ପୁନରୁଦ୍ଧାର ପୂର୍ବକ ଅତୀତ ଗୌରବ ଭାରତର 

କର ସାର୍ଥକ ନାମ ସଜାଇ ବିଶ୍ୱଗୁରୁ ରୂପେ l

          

         



Rate this content
Log in

Similar oriya poem from Abstract