ସ୍ମୃତିରେ ଗଙ୍ଗାଧର

ଅଠରଶ 'ବାଆସଠି ଅଗଷ୍ଟ ନଅ ରେ 

ଜନ୍ମି ପିତା ଚୈତନ୍ୟ ମା ସେବତୀ କୋଳରେ ।

ଦାରିଦ୍ର୍ୟର କଷାଘାତେ ହୋଇ ନିପୀଡିତ 

କଷ୍ଟେ ମଷ୍ଟେ ବାଲ୍ୟ ଶିକ୍ଷା କଲେ ସମାହିତ ।

ତୁଳସୀ ଦୁଇ ପତ୍ରରୁ ବାସିଲା ସଦୃଶ 

ବାଲ୍ୟରୁ ସାହିତ୍ୟକୃତି ହେଲା ପରିଦୃଶ୍ୟ ।

ଦୁଃଖ ଗୁରୁଙ୍କର ଯେଣୁ ଥିଲେ ପଟ୍ଟଶିଷ୍ୟ 

ତନ୍ତ ଚର୍ଚ୍ଚା ଗ୍ରନ୍ଥ ଚର୍ଚ୍ଚା କଲ ଏକତ୍ରିତ ।

ମାତୃଭୂମି ମାତୃଭାଷା ମାନ ରକ୍ଷା ପାଇଁ 

ସ୍ୱତନ୍ତ୍ର ଉତ୍କଳ ରାଜ୍ୟ ଗଠନରେ ଧାଇଁ ।

ଭାଷା ଆନ୍ଦୋଳନେ ସାଜି ଥିଲେ କର୍ଣ୍ଣଧାର 

ଉତ୍କଳ ମାତା ର ଥିଲେ ସୁଯୋଗ୍ୟ କୁମାର ।

ତପସ୍ୱିନୀ ଇନ୍ଦୁମତୀ ରସ ରତ୍ନାକର 

କୀଚକବଧ ପ୍ରଣୟ ବଲ୍ଲରୀ ଆବର ।

ଉଷା ଭାରତୀ ବନ୍ଦନା ଅହଲ୍ୟାର ସ୍ତବ 

ଲେଖି ଉତ୍କଳ ମାତାର ବଢ଼ାଇଲେ ଗର୍ବ ।

ଧନ୍ୟ ବରପାଲି ଧନ୍ୟ ପଶ୍ଚିମ ଉତ୍କଳ 

ଧନ୍ୟ ବାଣୀ ପୁତ୍ର ରଙ୍ଗାଜୀବ ଗଙ୍ଗାଧର ।

ଦୀପ ପରି ଜଳି ଜଳି ଢ଼ାଳିଲେ ଆଲୋକ 

କାଳ ଜୟୀ ଯୁଗ ଜୟୀ ସ୍ରଷ୍ଟା ପୁଣ୍ୟଶ୍ଳୋକ ।

ଘେନ କୋଟି ଓଡ଼ିଆଙ୍କ ଭକ୍ତି ପ୍ରଣିପାତ 

ହେ ଅମର ଆତ୍ମା ଆଉ ଥରେ ହୁଅ ଜାତ ।