କର୍ତ୍ତବ୍ୟ କେବେ ସହଜ

କର୍ମ କଲେ ସିନା ଜୀବନ ବଞ୍ଚଇ

କର୍ମ ଜୀବନ ଆଧାର

କର୍ମ କରି ନର ହୁଏ କାଳଜୟୀ

କର୍ମେ ପ୍ରାପତ ଆହାର

ସମାଜ ମଧ୍ୟରେ ସମ୍ପର୍କ ବନ୍ଧନ

କରେ ଜୀବନ ସୁନ୍ଦର

କର୍ମ ଦେଇ ପ୍ରେମ କୁଟୁମ୍ବେ କରିଲେ

ସର୍ବେ ପ୍ରସନ୍ନ ବେଭାର

ତେଣୁ କର୍ତ୍ତବ୍ୟର କୃତି ଶିକୁଳିରେ

ବନ୍ଧା ଆମେ ସାମ୍ୟପ୍ରାଣୀ

କର୍ତ୍ତୃତ୍ୱ ଆଦରି କର୍ତ୍ତବ୍ୟ କରିଲେ

ସ୍ୱର୍ଗ ହୋଇବ ଧରଣୀ

କର୍ତ୍ତବ୍ୟ ପଥରେ କଣ୍ଟା ସ୍ୱାର୍ଥାନ୍ଧତା

ଅକୃତଜ୍ଞତା ଜନକ

ଭୁଞ୍ଜି ନିତି ନିତି ପୋଷଣ ନ ଦେଲେ

ସମ୍ପର୍କ ସାଜେ ବାଧକ

ସ୍ନେହ ସୌହାର୍ଦ୍ଦ୍ୟରେ ଜଗତ ହସଇ

କର୍ମ ହୁଏ ଫଳପ୍ରଦ

କର୍ତ୍ତବ୍ୟନିଷ୍ଠା ଓ କୃତି ସୁମିଷ୍ଠା ଯେ

ଆଣଇ ଆତ୍ମପ୍ରସାଦ ।