ଅତିଥି

ପାନ୍ଥଶାଳାର ଅତିଥି ମୁଁ ଆଜି

ଏହିମୋର ପରିଚୟ,

ପ୍ରତାରଣା ମୋର ଦେହର ଦରଜ

କ୍ଷତ ମୋର ପରାଜୟ ।(୦)

ଦେଖିଛି ଆଖିରେ ପାନ୍ଥଶାଳା ମୋର

ଭୋକିଲା ଆଖିର ଚିତ୍ର

ଶିକ୍ତ ନୟନେ ଶ୍ରାବଣର ଧାରା

ସାଜିଛି ମୋ ପାଇଁ ଶସ୍ତ୍ର ।

ରୁଗ୍ଣ ମୋହର ଅବୟବ ଦେଖି

ସଭିଙ୍କୁ ଲାଗଛି ଭୟ ।(୧)

ପନ୍ଥାଶାଳାର ଅତିଥି..............

ଜୀବନେ ଚାଲିଛି ଦୁର୍ଗମ ପଥେ

ହରାଇ ମୋ ଆଶା ବାଡ଼ି,

ଯେମିତି ଶ୍ରୀହୀନ ଗ୍ରୀଷ୍ମପ୍ରବାହରେ

କୃଷ୍ଣଚୁଡାର ଗଲେ ଝଡି ।

ଜୀବନ ଯୁଦ୍ଧରେ ଗ୍ଲାନିର ଗଣ୍ଠିଲି

କରିଅଛି ଧରାଶୟ ।(୨)

ପନ୍ଥାଶାଳାର ଅତିଥି...........