ଲାଇବ୍ରେରୀ
ପ୍ରୋଫାଇଲ୍
ଭଲ ମଣିଷ
ଭଲ ମଣିଷ
ତୁମେ କୁହ ଭାରି ସ୍ୱାର୍ଥପର ଦୁନିଆ
କେଉଁଠି ପାଇବ ଭଲ ଲୋକ
ପାଦେ ପାଦେ କଣ୍ଟା ପାଦେ ପାଦେ ସ୍ବାର୍ଥ
ଆଉ ଆଘାତ ଦେବାକୁ ପ୍ରୟାସ
କେହି ନିଜର ନୁହନ୍ତି କେହି ଭଲ ବି ନୁହନ୍ତି
ଖୋଜିବା ଛାଡ଼ି ଦିଅ
ଶୁଣ ଅଛନ୍ତି ଭଲ ଲୋକ
ଯିଏ ତୁମର ଥକି ଯାଇଥିବା ଚେହେରା ଦେଖି ନିଜ ସିଟ୍ ଛାଡିଦିଏ
ଯାତ୍ରା ଲମ୍ବା ହେଉ ଅବା କ୍ଷୁଦ୍ର ଯିଏ ତୁମ ସହ କଥା ବାଣ୍ଟି ନିଏ
ବିଲାତି କାକୁଡି କିଣିଲେ ମୁଠେ କଞ୍ଚା ଲଙ୍କା ବିନା ମୂଲ୍ୟରେ ଦିଏ
ହାତ ଦେଖେଇଲେ ଗାଡ଼ି ଛିଡ଼ା କରି ଆଗରେ ଛାଡିଦିଏ
ମାସରେ ହେଉ ପଛେ ତମକୁ କଲ୍ କରି ଯିଏ ହାଲ୍ ବୁଝେ
ଠିକଣା ପଚାରିଲେ ଯିଏ ହାତ ହଲେଇ ମାନଚିତ୍ର କରି ବୁଝେଇ ଦିଏ
ଉଦାସ ଥିଲେ ନାନା ବାହାନା କରି ହସେଇ ଦିଏ
ଭୋକିଲା ଦେଖିଲେ କିଛି ଖାଇବା ଦିଏ
ନିଜର ନହେଲେ ବି କିଏ କାନ୍ଦୁଥିଲେ ଯିଏ ସହିନପାରି କାନ୍ଦି ଯାଏ
ତୁମର ସ୍ମିତ ହାସ୍ୟ ଦେଖି ହସି ଦେଇ ଚାଲିଯାଏ
ତୁମର ପ୍ରତିଭାକୁ ଯିଏ ପ୍ରଶଂସା କରେ
ଆଗକୁ ବଢ଼ିବାକୁ ପ୍ରେରଣା ଦିଏ
ଭୁଲ୍ ଥିଲେ ବତେଇ ଦିଏ
କଣ ଭାବୁଛ ??
ଏଇ ଭିତରେ ତୁମେ ବି ଅଛ
ମୋତେ ଆଉ ଖୋଜିବାକୁ ପଡ଼ିବନି
ପ୍ରତ୍ୟେକ ମଣିଷ ଜଣେ ଜଣେ ଭଲ ମଣିଷ।
