ମଣିଷ ଜୀବନ ଅଛିଣ୍ଡା ଗଣିତ
ମଣିଷ ଜୀବନ ଅଛିଣ୍ଡା ଗଣିତ
ଜୀବନ ଟା ଏକ ଅଛିଣ୍ଡା ଗଣିତ
ଯୋଗ ,ଭାଗ ,ବିୟୋଗର
ଭଲକରି ଥରେ ଅଙ୍କଟି କଷିଲେ
ଖୁସିରେ ଚାଲଇ ସଂସାର ।
ମୃତ୍ୟୁ ଟି ଅଟଇ ଏହି ଧରା ଧାମେ
ସତ୍ୟ ଆଉ ଚିରନ୍ତନ
ତଥାପି ଆମକୁ ବଞ୍ଚିବାକୁ ହୁଏ
କରି କର୍ମ ସମ୍ପାଦନ।
ପର୍ବତ ସମାନ ସମସ୍ୟା ବହୁଳ
ଏ ଜୀବନ ଚଲାପଥ
ତଥାପି ଆମକୁ ଚାଲିବାକୁ ହୁଏ
ଖୋଜି ସମାଧାନ ବାଟ ।
ସୁଖ ଦୁଃଖ ଭରା ମଣିଷ ଜୀବନ
ନଦୀର ଦୁଇ ପାରୁଶ
ମଣିଷ ଅଟଇ ସେ ନଦୀର ତରୀ
ତାକୁ ଖେଳାଏ ବିଧାତା ପୁରୁଷ ।
ପଞ୍ଚ ଇନ୍ଦ୍ରିୟ କୁ ଆୟତ୍ତ କରିଲେ
ସବୁ ହୋଇଯିବ ସମାଧାନ
ଅଛିଣ୍ଡା ଗଣିତ ଛିଡିଯିବ ବନ୍ଧୁ
ସୁଖେ କଟିଯିବ ଦିନ ।