ଶୁଣ ନିବେଦନ

ଶୁଣ ଶୁଣ ମାଆ ମୋର

ଶୁଣ ନିବେଦନ

କନ୍ୟା ବୋଲି କର ନାହିଁ

ମୋତେ ହୀନିମାନ...୧

ପୁଅ ତୁମ ଦିବାକର

ଐଶ୍ୱର୍ଯ୍ୟର ଗନ୍ତାଘର

ମୁଁ ନୁହେଁ କି ମାଆ ତୁମ

ହୃଦର ସ୍ପନ୍ଦନ

ଶୁଣ ଶୁଣ ମାଆ ମୋର

ଶୁଣ ନିବେଦନ...୨

ଢାଳି ଦିଅ ପ୍ରୀତି ସୁଧା

ହଟିଯାଉ ସବୁ ଦ୍ୱିଧା

ଝିଅ ପୁଅ ଭାବ ନାହିଁ 

ସଭିଏଁ ସମାନ

ଶୁଣ ଶୁଣ ମାଆ ମୋର

ଶୁଣ ନିବେଦନ...୩

ମୁଁ ଯେ ତୁମ ପ୍ରତିଛବି

ଯଶ ଖ୍ୟାତି ଅରଜିବି

ପୃଥ୍ୱୀ ଠାରୁ ବ୍ୟୋମ ଯାଏଁ

କରିବେ ନମନ

ଶୁଣ ଶୁଣ ମାଆ ମୋର

ଶୁଣ ନିବେଦନ...୪

ତୁମେ ମୋର ସୃଷ୍ଟି କର୍ତ୍ତା

ତୁମେ ମୋ ଭାଗ୍ୟ ବିଧାତା 

ତୁମେ ଦେଲେ ଶୁଭାଶିଷ

ହଜିଯିବ ଦୁଃଖ କ୍ଲେଶ

ପାଇବି ଜୀବନ

ଶୁଣ ଶୁଣ ମାଆ ମୋର

ଶୁଣ ନିବେଦନ....୫