ଶୁଭିଲାଣି ପାଦ ଶବ୍ଦ

ମନ ଉପବନେ ଗାଉଛି କୋଇଲି

ମନ ଉଡିଯାଏ ପବନେ ଦୋହଲି

ହୃଦୟରେ ଫଲ୍ଗୁ ପରଶ ଚହଲି

ଧରା ପରେ ନୃତ୍ୟ ଗୀତ ଆସର

ଜିରୋ ନାଇଟ ଡ୍ୟାନ୍ସ ବରାବର

ନବବର୍ଷର ପହିଲି ସକାଳ ବେଭାର

ନେଇ ଆସିଅଛି ଶେଷ ଡ଼ିସେମ୍ବର

ଝୋଲି ଭରିଦେଇ ସାନ୍ତାକ୍ଲଜ ବଡଦିନର

ଶୁଭେ ଛମ ଛମ ପାଦ ଶବ୍ଦ କାର

ନବବର୍ଷ ଆସୁ କାକର ଟୋପାରେ

ଅଳତାର ପାଦ ଶୁଭ ପୁଲକରେ

ପାଉଁଜିର ସ୍ୱର ନୁପୁର ପ୍ରକାର

ଝୁଣ୍ଟିଆ ପାଦ ଦିଶେ ରାଧା ରାଣୀଙ୍କର

ଦେବା ନେବା କଥା ପଛକୁ ଥାଉ

ନବବଧୂ ପରି ନବବର୍ଷ ଆସିଯାଉ

ପତ୍ରର ରନ୍ଦ୍ରରେ ମୁକୁଳ ବଉଳୁଥାଉ

ରାଗ ଅଭିମାନ ପଛକୁ ଯାଉ

ସବୁ ଦିନ ନୁହେଁ ଭାବ ପୀରତି

ସବୁ ରାତି ନୁହେଁ ଚାନ୍ଦିନୀ ରାତି

ସବୁ ମନ ଏକା ଉଠେନା ମାତି

ନବବର୍ଷ ପାଦ ପଡୁ ଝଟତି

କହି ଓଁ ଶାନ୍ତି ଗାଇ ପ୍ରୀତି ଗୀତି

ଭାଇଚାରା ଉଠୁ ମାତି ଜାତି ସଂହତି

ଗାଁରୁ ସହର ଜିଲ୍ଲାରୁ ନଗର ଦେଶ ରାଇଜର

ଶୁଭ ପାଦ ଶବ୍ଦେ କଟୁ ଦୋଷ ଦୁର୍ଗତି

ନବବର୍ଷର ପାଦ ଦୁଇରେ କେତେ ଜନଶ୍ରୁତି

ଏ ନବବରଷ ନେଇ ଆସୁ ଅଛି ଜାଗୃତି ।