ଶୁଭ ମିଳନ

ଅଧର ଗୋଲାପ ତଳୁ ଲଳିତ ସୁବାସ

ବିଞ୍ଚି ଦିଅ ଗୋ ସଜନୀ ତୁମ ମଲ୍ଲୀହାସ ।

ମାନସ ଗଗନ ମୋର ହୋଇ ଆଲୋକିତ

ଏଡିଦେଇ ତମ ରାଶି ହେଉ ପୁଲକିତ ।

ସକଳ ବାସନା ଘେରି ଯେଉଁ ବାୟୁ ବହେ

ଖର ଶ୍ୱାସେ ନାସାରନ୍ଧ୍ରେ ମନ ପ୍ରାଣ ଦହେ ।

ତୁମକୁ ସଜନୀ କରି ହୃଦ ଅଧିଷ୍ଠାତ୍ରୀ

ମୁକତି ଲୋଡିବି ଯେହ୍ନେ ଦେବଯାତ୍ରୀ ।

ଆଶା ପ୍ରତିଆଶା ମୁହୁର୍ମୁହୂ କଳପନା 

ଅଭିଳାଷ ଗଢ଼ା ଭଙ୍ଗା କେତେ ଜଳପନା ।

ତେସନ ଘୂରଇ ତବ ଚଉପାଶେ ସହୀ

ସବୁ ଦୁଃଖ ଗ୍ଳାନି ସବୁ ଅନାୟାସେ ବୋହି ।

କୋମଳ କରେ ପରଶି ଅଙ୍ଗ ମୋର ପୂତ 

କରିବ କି ସହୀ ଆସି ପ୍ରେମ ବାସେ ଦ୍ରୁତ ।

ତୁମ ରୂପ ଗୁଣ ସହୀ କରିଣ ଶ୍ରବଣ 

ସକଳ ଇନ୍ଦ୍ରିୟ ଚାହେଁ ତୁମରି ମିଳନ ।