ଶୁଭ ଦୀପାବଳୀ

ଶୁଣ ଶୁଣ ଭାଇ ଭଉଣୀ

         ଏହି ଦୀପାବଳୀ ରେ ,

ଜାଳିବା ଦୀପ ଘରେ ଘରେ

        ତେଜି ବିସ୍ଫୋଟକରେ ।

ପରିବେଶ ଏବେ ଦେଉଛି

         ପରା ଚିନ୍ତା ବଢ଼ାଇ ,

ବାୟୁରୁ କମେ ଅମ୍ଳଜାନ

         ନାନା ରୋଗ ବଢ଼ାଇ ।

ଗଛ ସଂଖ୍ଯା କମି ଗଲାଣି 

         କମି ଯାଏ ଜଙ୍ଗଲ ,

ଗାଡ଼ି କଳ ଧୂଆଁ ମିଶିକି

         କରନ୍ତି କଲବଲ।

ଜୀବଜନ୍ତୁ ଯେତେ ଧରାରେ

         ନିଶ୍ବାସେ ଅମ୍ଳଜାନ ,

ଗ୍ରହଣ କରନ୍ତି ବାୟୁରୁ

         ବଞ୍ଚିବାକୁ ତକ୍ଷଣ ।

ସେହି ଅମ୍ଳଜାନ ଦିଅଇ

         ପାଖରେ ଥିବା ଗଛ ,

ତାକୁ କାଟିବାନି ଯତନେ

         ଲଗାଇବା ବହୁତ ।

ଗାଡ଼ି କଳ ଧୂଆଁ ସହିତ

        ଯେତେ ଧୂଆଁ ଧରାରେ ,

ଆତସରୁ ଅବା ପରାଲୀ

        ଯୋଗୁ ମିଶେ ବାୟୁରେ ।

ଅମ୍ଳଜାନ ସହ ମିଶିକି

        ଯେବେ ଯାଏ ଦେହକୁ ,

ଆକ୍ରାନ୍ତ କରେ ସେ ନିଷ୍ଠୁରେ

        ଆମ ଫୁସ୍ ଫୁସ କୁ।

ବାଣ ବଦଳରେ ଦୀପକୁ

         ଆମେ ଦେବା ଜଳାଇ ,

ଅନ୍ଧାର ନାଶିକି ଆଲୋକେ

         ହସି ଉଠିବ ମହୀ ।

ଆମ ମନର ଅନ୍ଧକାର

         ଆମେ କରିବା ଦୂର ,

ଜ୍ଞାନର ଆଲୋକ ଜଳିଲେ 

         ଅଜ୍ଞତା ହେବ ଦୂର ।

ଶୁଭ ଦୀପାବଳୀ ଆଣିଛି

         ସୁଯୋଗ ଆମ ପାଇଁ ,

ଜାଳିବା ଜ୍ଞାନର ଦୀପାଳୀ

         ଅଜ୍ଞତା ନାଶ ପାଇଁ ।

ଆସ ଆସ ଭାଇ ଭଉଣୀ

        ଆମେ ଏକାଠି ହୋଇ ,

ଆଲୋକର ପର୍ବ ପାଳିବା 

         ଜାଳି ଦୀପକୁ ନେଇ ।