ଏକତା ହିଁ ବଳ

ଗୋଟିଏ କାଠିକୁ ଭାଙ୍ଗି ଦିଅ ତୁମେ

ସହଜ ଲାଗଇ ଭାରି ,

ଗୁଡ଼ାଏ କାଠିକୁ ଧରିଲେ ଏକାଠି

ଭାଙ୍ଗିବନି ଯିବ ହାରି ।

ସେଥି ପାଇଁ ପରା ଲୋକ କଥା ଅଛି

ଯୋଡ଼ାକୁ ଘୋଡ଼ା ନ ପାରେ ,

ମିଳି ମିଶି ଯଦି କରିବାରେ କାମ

ସଫଳତା ଆସି ପାରେ ।

ପିମ୍ପୁଡ଼ି ଓ ଜନ୍ଦା ଦେଇଥାନ୍ତି ଶିକ୍ଷା

ଏକତା ରଖିବା ପାଇଁ ,

ବିନ୍ଦୁ ବିନ୍ଦୁ ବର୍ଷା ଜଳ ବହିକରି

ନଦୀ ରୂପେ ଯାଏ ବହି ।

ପୂର୍ବେ ଆମ ଦେଶେ ଏକତା ନଥିଲା

ବିଦେଶୀ ଶାସକ ଗଣ ,

ଆମରି ଉପରେ ଅତ୍ଯାଚାର କରି

ଚଳାଇ ଥିଲେ ଶାସନ ।

ମିଳିମିଶି ଆମେ କରିବାରେ କାମ

ଲାଗିବାନି ପାଟି ଗୋଳ ,

ସହଜ ଲାଗିବ ସହଳ ସରିବ

ଯେଣୁ ଏକତା ହିଁ ବଳ ।

ବ୍ରିଟିଶ ଶାସନ ହେଲା ଥରହର

ଗାନ୍ଧୀଙ୍କ ଡାକରା ପାଇ ,

ହୋଇଲେ ଏକାଠି ଏ ଭାରତ ବାସୀ

ଦେଶ ସ୍ବାଧୀନତା ପାଇଁ ।

ସ୍ବାଧୀନତା ପରେ ଆମେ ଦେଶବାସୀ

ତ୍ରିରଙ୍ଗା ପତାକା ଧରି ,

ରହିଛୁ ଏକାଠି ରହିବୁରେ ମଧ୍ଯ

ଜୟହିନ୍ଦ୍ ଆମେ କହି ।

ଜାତି ଭାଷା ଧର୍ମ ଅଲଗା ହେଲେ ବି

ଆମେ ସବୁ ଭାରତୀୟ ,

ଗୋଟିଏ ସ୍ବରରେ ଗାଇବା ମିଶିକି 

ଭାରତ ମାତା କି ଜୟ ।