ନେତାଜୀ ଏ ଦେଶ ତୁମକୁ ଝୁରେ
ନେତାଜୀ ଏ ଦେଶ ତୁମକୁ ଝୁରେ
ଭାରତ ମାତାର ସୁଯୋଗ୍ଯ ସନ୍ତାନ
ଓଡ଼ିଆ ବଜାର ପୁଅ
ପିତା ଯେ ଜାନକୀ ମାତାପ୍ରଭାବତୀ
ସୁଭାଷ ହିଁ ପରିଚୟ ।
ତୁଳସୀ ପରାଏ ବାସୁଥଲ ଆହା
କହେ ତୁମ ପିଲାଦିନ ,
ଦୁର୍ଦ୍ଦଷ ବୀର ହେ ପ୍ରିୟ ନେତାଜୀ
ଘେନ ଆମର ପ୍ରଣାମ ।
ରେଭେନ୍ସାସ୍କୁଲର ଛାତ୍ରଥିଲତୁମେ
ଚତୁର୍ଥ ଶ୍ରେଣୀରୁ ଆସି ,
ଏକାଦଶ ଯାଏଁ ପଢ଼ିଲ ସେଠାରେ
ସାଙ୍ଗମେଳେ ଖେଳିହସି ।
ଦଶମଶ୍ରେଣୀରେ ସହପାଠୀମେଳେ
ମହାମାରୀ ବସନ୍ତକୁ ,
ବେଖାତିର କରି କଲ ଜନସେବା
ଲୋକଙ୍କୁ ବଞ୍ଚାଇବାକୁ ।
ବିବେକାନନ୍ଦଙ୍କ ଆଦର୍ଶକୁ ତୁମେ
ଜୀବନେ ଲଗାଇ ଦେଲ ,
ଓଡ଼ିଶାରୁ ଯାଇ ଭାରତ ବାହାରେ
ବିଶ୍ବନେତା ବନିଗଲ ।
ରକତ ମାଗିଲ ମୁକତ କଣ୍ଠରେ
ସ୍ବାଧୀନତା ଦେବା ପାଇଁ ,
ତୁମ ଏ ଡାକରା ତମାମ୍ ଦେଶରେ
ସୃଷ୍ଟି କଲା ହଇଚଇ ।
ଆଜାଦ ହିନ୍ଦ୍ ଫଉଜ ଗଢ଼ିଲ
ଯୁଦ୍ଧ ବନ୍ଦୀ ସୈନ୍ଯ ନେଇ ,
ଦିଲ୍ଲୀ ଚଲୋ ତୁମ ଡାକରା ଶୁଣିକି
ଫିରିଙ୍ଗି ଭୟେ କମ୍ପଇ ।
ଜର୍ମାନ ଜାପାନ ସିଙ୍ଗାପୁର ବର୍ମା
ଠାରୁ ପାଇ ସମର୍ଥନ ,
ମନୋବଳ ତୁମ ବଢ଼ିଗଲା କାହିଁ
ଦେଶ ମୋ ହେବ ସ୍ବାଧୀନ ।
ସ୍ବାଧୀନ ହୋଇଲା ଆମର ଏଦେଶ
ତୁମ ଅବର୍ତ୍ତମାନରେ ,
କାହିଁ ରହିଗଲ ହେପ୍ରିୟ ନେତାଜୀ
ଏ ଦେଶ ତୁମକୁ ଝୁରେ ।
ଜୟ ହିନ୍ଦ୍।