ଶୁଭ ଆଶିର୍ବାଦ ଆଉ କିଏ ଦବ

ପିତୃ ହରା ଦୁଃଖ ମନରୁ ଲିଭିନି 

  କାହିଁ ଗଲ ଛାଡି ମାମା , 

ତୁମେ ଥିଲ ଆମ ସନ୍ତକ ପ୍ରତୀକ 

   ଭଲ ଲାଗୁ ନାଇଁ ଜମା ! ! 

ହାୟରେ ବିଧାତା କଲୁରେ ହୀନସ୍ତା 

   ଏତେ ବଡ ଦଣ୍ଡ ଦେଲୁ , 

ବାପାମାଆ ମୋର ଦୁଃଖର ସୁଖର 

    କାହିଁତୁ ଛଡ଼େଇ ନେଲୁ ! ! 

ଆଖିରୁ ଝରୁଛି ଲୋତକର ଧାର 

   ହୃଦୟ କାନ୍ଦୁଛି ମୋର , 

ହସ ଲିଭିଗଲା ସ୍ମୃତି ହଜିଗଲା 

   ଦୁଃଖ ଆମ ସହୋଦର ! ! 

ଶୁଭ ଆଶିର୍ବାଦ ଆଉ କିଏ ଦବ 

   ମନ୍ଦିରେ ନାହାଁନ୍ତି ଦିଅଁ , 

କେଡେ ହତଭାଗ୍ୟ ତୁମ୍ଭରି ସନ୍ତାନ 

    ହୃଦୟେ ବଢୁଚି କୋହ ॥ 

ସୁଧାମୟୀ ମାଆ ସୁବଳ ସୁ-ବାପା 

    ଜନ୍ମଦାତା ଜନ୍ମ ଦାତ୍ରୀ , 

ମହାନ୍ତି ବଂଶର ଅମୂଲ୍ୟ ସମ୍ପଦ 

   ଦୁହେଁ ଆଜି ସ୍ୱର୍ଗବାସୀ ॥ 

      

ଗୁରୁଜନ ଶୂନ୍ୟ ମହାନ୍ତି ଆବାସ 

    ଆଉକେ ସାନ୍ତ୍ଵନାଦେବ , 

 ତବ କନ୍ୟା ପୁତ୍ର ଝୁରୁଛନ୍ତି  ମାତ 

     ଆଉକି ସାକ୍ଷାତ ହବ   ! ! 

କରିଥିଲୁ ଆଶା ହେଲୁତ ନିଆଶା 

    ସ୍ଵପ୍ନ ନିଦ ଗଲା ହଜି , 

ବାପା ନାହିଁ ବୋଲି ଯାଇଥିଲୁ ଭୁଲି 

    ଅଛନ୍ତି'ତ ମାତୃ ଶକ୍ତି ! !

ତବ କନ୍ୟାବାଳି କାନ୍ଦନ୍ତି ବାହୁନି 

  କେତେ'ସେ ସହିବେ ଦୁଃଖ ,

ଦୁଇଟି ରତ୍ନକୁ ନେଲାକେ ଛଡ଼େଇ 

    ଅଧୁରା ରହିଲା ସ୍ଵପ୍ନ  ! ! 

ସାରା ନିବେଦିତା ସଂଘମିତ୍ରା ସୁତା 

     ବାହୁନି କାନ୍ଦନ୍ତି ନିତି , 

କାହିଁଗଲ ମାମା  କାହିଁଗଲ ବାପା 

    ଆଖିର ସପନ ଜ୍ୟୋତି  ॥ 

ଦେବବ୍ରତ ସୁତ  ଆଖିର ସପନ 

    ମାଆର ସୁନା ଶଙ୍ଖାଳି , 

ଭାଗ୍ୟ ବିଡମ୍ବନା ମାଆ ଚାଲିଗଲା 

    ବାଜିନି ଯୋଡି ମହୁରୀ ॥ 

କରିନି ବିବାହ ହୋଇନାହିଁ ଯୋଗ 

     ରହିଗଲା ଅବଶୋଷ , 

ହେ'ସୁଧାମୟୀ ଆସ ମାଆ'ଲୋ ଫେରି 

    ଭାଙ୍ଗିଯା' ସଭିଁଙ୍କ ରୋଷ ॥ 

ଜଗତର   ନାଥ ହୁଅ  ସଦୟ 

    ତୁମ୍ଭରି ଆଶ୍ରିତ ଆମ୍ଭେ , 

ମହାନ୍ତି ବଂଶର  ରଖିଥାଅ ମାନ 

    ସର୍ବ କୁଶଳରେ ଦମ୍ଭେ ॥ 

 

ସରଗରେ ଥାଇ ଏ'ବେନି ଦମ୍ପତି 

    ଶୁଭ ଆଶିର୍ବାଦ ଦ୍ଯନ୍ତୁ , 

ସେଇ ଶୁଭ ଦୃଷ୍ଟି ସାଜୁତ ସମ୍ପତ୍ତି 

    ମନରେ ନ'ରହୁ କିନ୍ତୁ ॥