ଶ୍ରମିକ ସମୁଦାୟ

ଚଳନୀୟ ସମାଜ ହେତୁ ଶ୍ରମିକ ଅତ୍ୟନ୍ତ ଆବଶ୍ୟକ,

କେତେ କଷ୍ଟ ନଷ୍ଟର ସହନ କରେ ପ୍ରତ୍ୟେକ ଶ୍ରମିକ,

କିନ୍ତୁ ମିଳେନି କେବେ ହେଲେ ସମୁଚିତ ପାରିଶ୍ରମିକ,

ତାଙ୍କର ଅନୁପସ୍ଥିତି ଯେ ବାଣିଜ୍ୟ କ୍ରମ ପାଇଁ ଘାତକ |୧|

 

ସମସ୍ତ ଖାଦ୍ୟଦ୍ରବ୍ୟ ଅନୁଦାନ କରନ୍ତି କୃଷକ,

ଫଳମୂଳ ପରିବାପତ୍ର କେତେ ଯେ ରୋଚକ,

ଗୋକ୍ଷୀର ଦେଇ ଗୋପାଳ ହୁଅନ୍ତି ସହାୟକ,

ଏମାନଙ୍କ ବିନା ସର୍ବ ଜୀବନ ହେବ ନିରର୍ଥକ |୨|

 

ଗତିବିଧି ଲାଗି ଜରୁରି ଆମକୁ ଗାଡ଼ି ଚାଳକ,

ଓଜନିଆ ଜିନିଷପତ୍ର ବୋଝନ୍ତି ଆମ ବାହକ,

ଜଳ ନଳ ନାଳ ମିସ୍ତ୍ରୀଙ୍କ କାମ ଯେ ସାମାଜିକ,

ବିଜୁଳି କାରିଗର ହେଲେ ଆମର ପରିଚାଳକ |୩|

 

ନାଳନର୍ଦ୍ଦମାର ନିଷ୍କାସନ କର୍ମୀଙ୍କର ଭୂମିକା ଯେ ସ୍ୱାସ୍ଥ୍ୟରକ୍ଷାମୂଳକ,

ଧୋବା ଝାଡ଼ୁଦାର ସ୍ଥାନାନ୍ତରିତ ମଜୁରିଆଙ୍କ ଜୀବିକା ଯେ ସାମୟିକ,

ଅଭୁଲା ଯେ ନିରାପତ୍ତାରକ୍ଷୀ ରୋଷେଇଆ ସେବାକାରିଣୀ ସେବକ,

ଦୈନଦିନ ଚଳାଚଳ ନିଶ୍ଚ

Advertisement

ଳ ହୁଏ ନାହାନ୍ତି ଯେବେ ମୌଳିକ ଉତ୍ପାଦକ |୪|

 

କୁମ୍ଭାର ସୃଜନ କରନ୍ତି କଣ୍ଢେଇ ମାଟିହାଣ୍ଡି ବାଇହାଣ୍ଡି ଦୀପକ,

ବିଶ୍ଵକର୍ମା ସେବାୟତ ନିର୍ମାଣ କରନ୍ତି ଶ୍ରୀଜୀଉଙ୍କ ରଥ ରଥଚକ,

ବଢ଼େଇ ଚିତ୍ରକର ମୂର୍ତ୍ତିଶିଳ୍ପୀ ନିଜ କର୍ମକ୍ଷେତ୍ରରେ ସଦା ପ୍ରେରକ,

ନାଥଙ୍କ ସେବା କରନ୍ତି ଟାହିଆ କାରିଗର କୋଠଭୋଗ ପାଚକ |୫|

 

କର୍ମକାର ସ୍ଵର୍ଣ୍ଣକାରଙ୍କର ପ୍ରବୃତ୍ତି ଯେ ପ୍ରେରଣା ଦାୟକ, 

ସମ୍ମାନାସ୍ପଦ ଯେ ବୁଣାକାର ଦରଜି ସମ୍ବାଦପତ୍ର-ବାଳକ,

ନଗଣ୍ୟ ନୁହନ୍ତି କେବେ ବି ରାଜମିସ୍ତ୍ରୀ ବାରିକ ପ୍ରସାଧକ,

ଆମ ଜୀବନରେ ଆଲୋକ ଭରିଛନ୍ତି ଏ କାମିକା ଲୋକ |୭|

 

 ଶ୍ରମିକ ସମୁଦାୟ ସର୍ବଦା ହେଲେ ସଂସାରରେ ବଡ଼ଲୋକ,

ମଜଦୁର ହେଲେ ଆମର ଦିନଚର୍ଯ୍ୟାର ଅନିବାର୍ଯ୍ୟ ନାବିକ,

କ୍ରୟ ବିକ୍ରୟ ବ୍ୟୟ ସଞ୍ଚାଳନରେ ହେଲେ ମୁଖ୍ୟପାତ୍ର ଧାରକ,   

ସଙ୍ଘରେ ସଶକ୍ତ ନିୟମ ଦ୍ୱାରା କରାଯାଉ ତାଙ୍କୁ ମହାନାୟକ |୮|