ଶ୍ରୀରାମ ନବମୀ
ଶ୍ରୀରାମ ନବମୀ
ତ୍ରେତୟା ଯୁଗର କାହଣୀ ପ୍ରତୀତ
ଭାରତୀୟ ଭାଵଧାରା ;
ପ୍ରଭୁ ରାମଚନ୍ଦ୍ର ଜନମ ବୃତ୍ତାନ୍ତ
ଯୁଗଶ୍ରେଷ୍ଠ ବାର୍ତ୍ତା ପରା !
ଧରାଵତରଣ କରିଥିଲେ ରାମ
ଜଗତ ମଙ୍ଗଳ ପାଇଁ ;
ଅନ୍ୟାୟ ଅନୀତି ଲୋପ କଲେ ଜାଣି
ପ୍ରଭୁ ରଘୁବୀର ସାଇଁ !
ଚୈତ୍ର ଶୁକ୍ଳପକ୍ଷ. ନବମୀ ସଂଯୋଗ
ପ୍ରଭୁଙ୍କ ଜନମ ତିଥୀ ;
ମହାର୍ଘ ତିଥିର ମହା ବିଶେଷାଙ୍କ
ପାଳୁଛି ଭାରତ ଆଜି !
କୌଶଲ୍ୟା ନନ୍ଦନ ଦାଶରଥି ସୁତ
ସୂର୍ଯ୍ୟବଂଶୀ ମହାରାଜା ;
ମାନବ ରୂପରେ ଲୀଳାଖେଳା କଲେ
ରାକ୍ଷସଙ୍କୁ ଦେଲେ ସଜା !
ପିତୃ ସତ୍ୟପାଳି ବନେ ଗଲେ ଚଳି
ଦୁଃଖକୁ ବରଣ କରି ;
ଚଉଦ ବରଷ ବନେ କଲେ ବାସ
ଭାଗ୍ୟକୁ ନେଲେ ଆବୋରି !
ଉଦାର ହୃଦୟ ମର୍ଯ୍ୟାଦା ପୁରୁଷ
ଭାତୃସ୍ନେହିଁ ପ୍ରାଣବନ୍ତ.;
ପ୍ରଜାବତ୍ସଳର ଉଜ୍ଜ୍ବଳ ପ୍ରଦୀପ
ସୀତୟାଙ୍କ ମହାକାନ୍ତ. !
ରାମାୟଣ ଗାଥା ଭାରତୀୟ ସତ୍ତା
ସ୍ମୃତି ଚିତ୍ରପଟ ଛବି ;
ବାଲ୍ମିକୀ ଋଷିଙ୍କ ମହା ସମର୍ପଣ
ଅନୁଭବ କରେ କବି !
ଯୁଗଯୁଗ ଧରି ରହିଥିବ ବଞ୍ଚି
ରାମାୟଣ ମହାଗ୍ରନ୍ଥ.;
ପ୍ରଭୁଙ୍କ ବୃତ୍ତାନ୍ତ ହେବତ ପ୍ରତୀତ
ଗାଉଥିବେ ସାଧୁ ସନ୍ଥ. !
ରାବଣ ରାକ୍ଷସ ଅନ୍ୟାୟ ପ୍ରତୀକ
ରାମନାମ ମୋକ୍ଷ ଧର୍ମ ;
ହେ'ରଘୁ ନନ୍ଦନ. ଶତ ପ୍ରଣିପାତ
ଆଜି ତଵ ମହାପର୍ବ. !
ତ୍ରେତୟା ଯୁଗର ଅଯୋଧ୍ୟା ନଗର
ଆଜିବି ଦଣ୍ଡାୟମାନ.;
ପବିତ୍ର ଭୂମିରେ ଭକ୍ତଜନ ସ୍ମରେ
ହେ'ରଘୁ ନନ୍ଦନ ଧନ !