Turn the Page, Turn the Life | A Writer’s Battle for Survival | Help Her Win
Turn the Page, Turn the Life | A Writer’s Battle for Survival | Help Her Win

Sukadev Mahanta

Abstract Inspirational

4  

Sukadev Mahanta

Abstract Inspirational

ଶିଶୁଟିଏ ଫୁଲ କଢିଟିଏ

ଶିଶୁଟିଏ ଫୁଲ କଢିଟିଏ

1 min
389


ଶିଶୁଟିଏ ମୁହିଁ ଶିଶୁଟିଏ

ଭାବନାହିଁ ମୋତେ ଛୋଟଟିଏ

ଆଜିମୁହିଁ ଫୁଲ କଢିଟିଏ

ଫୁଟି ହେବି ଦିନେ ଫୁଲଟିଏ ।


ଆଜି ଫୁଟିଅଛି ଯେଉଁ ଫୁଲ

ରୂପେ ବାସେ କରେ ମସଗୁଲ

ମଉଳିବ ଦିନେ ଏହି ଫୁଲ

ଫୁଟି ଆଉଥରେ ସେହି ଫୁଲ

ଦିଶିବନି ଆଉ ସେ ଉଜ୍ଜ୍ବଳ

ଭଅଁରକୁ କରି ସେ ପାଗଳ ।


ଆଜି ସିନା ଛୋଟ କଢିଟିଏ

ଫୁଟି ସାଜିବି ମୁଁ ଫୁଲଟିଏ

ହସି ଖେଳୁଥବା ଫୁଲଟିଏ

ଦେବାଦେବୀଙ୍କର ମାଳଟିଏ

ପୁଷ୍ପାଞ୍ଜଳୀ ପୂଜା ଫୁଲଟିଏ

ଶବାଧାରେ  ହେବି ମାଳଟିଏ

ଅତିଥି ସତ୍କାରେ ଗୁଚ୍ଛଟିଏ

ପ୍ରୀତିର ଗୋଲାପ ଫୁଲଟିଏ ।


ଆଜି ସିନା ମୁହିଁ ଶିଶୁଟିଏ

କାଲିର ସୁନାଗରିକଟିଏ

ମନେ ମୋ ସପନ କୋଟିଏ

ନବ ବିଶ୍ବ ବିଶ୍ବକର୍ମାଟିଏ

ଶାନ୍ତି ମୈତ୍ରୀର ଦୂତଟିଏ

ଅହିଂସା ପୂଜାରୀ ସନ୍ଥଟିଏ ।


ମୁଁ ଅଟେ କାଲିର ନେତାଟିଏ

ଯନ୍ତ୍ରୀ ମନ୍ତ୍ରୀ ରାଷ୍ଟ୍ର ତନ୍ତ୍ରୀଟିଏ

ରୋଗୀର ସେବାରେ ବ୍ରତୀଟିଏ

ଆଶାର ଆଲୋକ ବତିଟିଏ

ସୀମାରେ ଜାଗ୍ରତ ସୈନ୍ୟଟିଏ

ପୁଲିସ୍ ଡାକ୍ତର ଚାଷୀଟିଏ ।


ଶିଶୁଟିଏ ଫୁଲକଢିଟିଏ

ଭବିଷ୍ୟତର ସେ ଆଶାଟିଏ

ଅତିଯତନରେ ବଢାଅ ତାହାକୁ

ଫୁଟି ହୋଇବ ସେ ଫୁଲଟିଏ

ରୂପରେ ଗୁଣରେ ବାସ ଚହଟାଇ

ଅରଜିବ ଯଶ କାଲି ସିଏ ।



Rate this content
Log in

More oriya poem from Sukadev Mahanta

Similar oriya poem from Abstract