ଶିଶୁ
ଶିଶୁ
ଶିଶୁଙ୍କର ମନ କୋମଳ ଅଟଇ
ହୃଦୟଟା ପୁରା ଖୋଲା
ଛନ୍ଦ କପଟରେ ଉର୍ଦ୍ଧ୍ୱରେ ସେମାନେ
ହେଲେ ଟିକେ ମନ ଭୁଲା l
ଶିଶୁଟି ହସିଲେ ଏ ଦେଶ ହସିବ
ଖେଳିବ ଖୁସି ଲହରୀ
ତା' ଠୁକୁରୁ ଚାଲି ତା' ଦରୋଟି କଥା
ମନ କିଣଇ ସବୁରି l
ଅସ୍ଥିର ଅବୁଝା ଭାରି ଅମାନିଆ
ଚଳ ଚଞ୍ଚଳ ତା' ମନ
ସ୍ନେହ ଶରଧାରେ ବୁଝିଯାଏ ସିଏ
ଡାକି ଦେଲେ ବାପଧନ l
ଆଜି ଯିଏ ଶିଶୁ କାଲି ସେ ହୋଇବ
ଏ ଦେଶର ନାଗରିକ
ଭଲ ପାଠ ପଢ଼ି ସୁନାମ ଆଣିବ
ରଖିବ ଏ ଜାତି ଟେକ l
କଅଁଳ ଶିଶୁଟି କଞ୍ଚା ମାଟି ପରି
ଏକଥାଟି ଧ୍ୟାନ ରଖ
ଯେମିତି ଗଢ଼ିଲେ ସେମିତି ସେ ହେବ
ଛୁଇଁ ସଫଳତା ଶିଖ l
ଆହା କି' ସୁନ୍ଦର ତା' ଶିଶୁ ଦୁନିଆଁ
ଲାଗେ ଭାରି ଆପଣାର
ସ୍ମୃତିଟିଏ ହୋଇ ସଦା ରହିଥାଏ
ମନେ ତୋଳି ଟିକି ଘର l