Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

GAGAN KUMAR DASH

Inspirational Others Children

3  

GAGAN KUMAR DASH

Inspirational Others Children

ଗୋମାତା

ଗୋମାତା

1 min
256



କାମଧେନୁ ରୂପେ ବଶିଷ୍ଠ ଦେବର୍ଷି ରଖିଥିଲେ ତୋତେ ନେଇ,

ବିଶ୍ଵାମିତ୍ର ଋଷି ମନ ବଳାଇଲେ

ତୋତେ ନେଇ ଯିବା ପାଇଁ ।


ତୁ ମାତ ଗୋମାତା ଜଗତ ବିଦିତା

ମାୟାରେ ଯୁଦ୍ଧ ରଚିଲୁ,

ପରାସ୍ତ ହୋଇଣ ଚାଲିଗଲେ ଋଷି

ନାମ ରହିଛି ସେ କାଳୁ ।


ଗୋମାତା ବୋଲିଣ ପୂଜନ୍ତି ସମସ୍ତେ

ତୁ ଅଟୁ ଜଗତ ମାଆ,

ମାଆ ଠାରୁ ବଡ଼ ସମ୍ଭାଲୁ ସଂସାର

ଅମର ହୋଇଲା ନାଆଁ ।


ଚାରୁଶୀଳା ତୁହି ଜଗତ ମୋହିନୀ

ଜଗତ ପାଲୁଛୁ ତୁହି,

ସ୍ତନରୁ ତୋହର ଝରଇ ଅମୃତ

ଉଦ୍ଧାରିବା ପାଇଁ ମହୀ ।


ଚତୁର୍ୟୁଗେ ତୁହି ପୂଜା ପାଉଅଛୁ

ଗୋମାତା ନାମକୁ ବହି,

ଦେବ ଓ ଦାନବ ନର ଓ କିନ୍ନର

ସଭିଙ୍କୁ ପାଳୁଛୁ ତୁହି ।


ଚତୁଷ୍ପଦ ତୁହି କାମଧେନୁ ହୋଇ

ଶିବଲିଙ୍ଗେ ଢାଳୁ ଖିର,

ମହିମା ଅପାର କି ବର୍ଣ୍ଣିବି ମୁହିଁ

ଜଗତେ ଜାଣନ୍ତି ନର ।


ଅନାଥ ଶିଶୁର ମାତା ତୁହି ହେଉ

ବଞ୍ଚାଉ ଅମୃତ ଦେଇ,

ସେ ଅମୃତ ଝର ଦେବ କାର୍ଯ୍ୟ ଲାଗେ

ମହିମା ତୋ'ର ଅପାର ।


ତୋହର ଗୋବର ପବିତ୍ର ହୁଅଇ

ଘିଅ, ଦହି, ମୂତ୍ର, ଖିର,

ଦେବ କାର୍ଯ୍ୟେ ଲାଗେ ଶୌର୍ଯ୍ୟକୁ ବଢାଏ

ସଂସାର ମଧ୍ୟରେ ସାର ।


କୃଷକର ବନ୍ଧୁ ତୁ କରୁଣା ସିନ୍ଧୁ

ନଡ଼ା ଘାସ ତୋର ଖାଦ୍ୟ,

ତୋ ଉଦରୁ ଯାତ ସୁଖାଦ୍ୟ ପଦାର୍ଥ

ଭୂଞ୍ଜିଲେ ନ ମାଡେ ବୈଦ୍ୟ ।


ତୋ ଲାଞ୍ଜ ଚାମରେ ଝାଡଇ ତାନ୍ତ୍ରିକ

ଶିଶୁଙ୍କୁ ହୋଇଲେ ଡର,

ତୋର ଚର୍ମ, ଛାଲ, ଅସ୍ଥି, ଗୋରୁଚୁନା

ସଂସାରରେ ଦରକାର ।


ଶ୍ରାବଣ ମାସର ପୂର୍ଣ୍ଣିମା ତିଥିରେ

ପୂଜା ଏ ଦେଶ କରଇ,

ନମେ ତୋର ପାଦେ ଆଶିଷ ମାଆ ଦେ

ଭକ୍ତି ଭରେ ମୁଁ ଡାକଇ ।


Rate this content
Log in