ସଞ୍ଜ ଆସିଲାଣି ନଇଁ

ସଞ୍ଜ ଆସିଲାଣି ନଇଁ 

ସୂରୁଜ ଗଲେଣି ବୁଡି 

ପକ୍ଷୀ ଦଳ ଦଳ ନୀଳ ଆକାଶରେ 

ଯାଉଛନ୍ତି ଦେଖ ଉଡି ll

କେଉଁ ଆଡେ ତାଙ୍କ ଘର? 

କିଏ ଜାଣେ କେତେ ଦୂର? 

କିଏ ସେ ପାରିବ କହି? 

ଯିଏ କହି ଦେବ ସୁନା ପିଲା ହେବ 

ଖାଇବ ସେ ମିଠା ଦହି ll

କେତେ ବିଲ-ବଣ-ପାଟ-ଗହୀର 

ସବୁଜ ବନାନୀ-ଗାଁ-ସହର 

କେତେ ନଦ-ନଦୀ ଡେଇଁ 

ପାହାଡକୁ ଭେଦି ଯାଉଛନ୍ତି ଖେଦି 

କଳରବ ଗୀତ ଗାଇ ll

ଆସରେ ସଙ୍ଗାତ ଆସରେ ମିତ 

ପକ୍ଷୀ ସମ ଗାଇ ଜୀବନ ଗୀତ 

ଆଶା ଅସୁମାରୀ ପଥ ବହୁତ 

ମନରେ ନରଖି ଖେଦ 

କର୍ମଠ ଜୀବନେ ଉଦ୍ୟମୀ ହୋଇଲେ 

ଦୂର ହେବ ସବୁ ଦ୍ଵନ୍ଦ ll